સુરત કોર્પોરેશન પ્રિ મોન્સુન : સુરત મહાનગરપાલિકાના કતારગામ ઝોનમાં વરસાદી પાણીના સંગ્રહના મુદ્દે ગત સ્થાયી સમિતિમાં ઉગ્ર ફરિયાદ કરવામાં આવી હતી. આ પાણીને ઓવરફ્લો થતું અટકાવવા કાયમી અને કામચલાઉ પગલાં લેવાની સલાહ આપવામાં આવી હતી. પરંતુ આ સલાહ કાગળ પર રહી ગયાના એક સપ્તાહ બાદ આજે વહેલી સવારે વરસાદના કારણે કતારગામના અનેક વિસ્તારોમાં ફરી પાણી ભરાયા છે જેના કારણે લોકો પરેશાની ભોગવી રહ્યા છે.

સુરત મહાનગરપાલિકાના કતારગામ ઝોનમાં ગત સપ્તાહે પડેલા ભારે વરસાદને કારણે હરિ દર્શન ખાડા સહિત અનેક વિસ્તારોમાં પાણી ભરાયા હતા. આ પાણી ભરાવાને કારણે હજારો લોકોને કામ પર જવાનું મુશ્કેલ બન્યું હતું. આ ઉપરાંત શાળાએ જતા વિદ્યાર્થીઓને પણ હેરાનગતિ થતી હતી. આ સ્થિતિ બાદ વિપક્ષ અને શાસક પક્ષના કોર્પોરેટરોએ પણ ભારે હોબાળો મચાવ્યો હતો.

સ્ટેન્ડિંગ કમિટીના કતારગામ વિસ્તારના બે કોર્પોરેટરોએ ફરિયાદ કરી હતી કે માર્ચની બેઠકમાં જે જગ્યાઓ પર પાણી ભરાવાના સ્પોટ દર્શાવવામાં આવ્યા હતા તેના પર અધિકારીઓએ કામ કર્યું નથી અને આ સ્પોટ પર તાત્કાલિક કાર્યવાહી કરવા સૂચના આપવામાં આવી હતી. પરંતુ તેમ છતાં કોઇ કામગીરી થઇ ન હતી. જેના કારણે આજે સવારથી ફરી વરસાદ પડ્યો છે અને હરિદર્શન ખાડા સહિત અનેક વિસ્તારોમાં પાણી ભરાઈ ગયા છે અને લોકો ફરી હાલાકી ભોગવી રહ્યા છે. શાસક અને વિપક્ષના કોર્પોરેટરોની અનેક ફરિયાદો બાદ પણ કામગીરી ન થતાં લોકોમાં ભારે રોષ જોવા મળી રહ્યો છે.