ડૉક્ટરો હડતાળ પર જશે: ગુજરાત સરકાર દ્વારા 31મી ઓગસ્ટે ઈન્ટર્ન અને રેસિડેન્ટ ડોકટરોના સ્ટાઈપેન્ડમાં વધારો કરવાનો મહત્વનો નિર્ણય લેવામાં આવ્યો હતો. જેમાં સરકારી મેડિકલ કોલેજના મેડિકલ ઈન્ટર્નને રૂ. 21,840, ડેન્ટલમાં રૂ. 20,160, ફિઝીયોથેરાપી રૂ.13,440 અને આયુર્વેદ અને હોમિયોપેથી રૂ. 15,120 સ્ટાઇપેન્ડમાં વધારો કરાયો હતો. જો કે રાજ્ય સરકારના આ નિર્ણયનો વિરોધ થઈ રહ્યો છે. આ મામલે બીજે મેડિકલના રેસિડેન્ટ ડોક્ટરો સોમવાર (2 સપ્ટેમ્બર)થી હડતાળ પર જશે.
જાણો શું છે માંગ
ઈન્ટર્ન અને રેસિડેન્ટ ડોક્ટરોના સ્ટાઈપેન્ડમાં વધારો કરવાના રાજ્ય સરકારના નિર્ણયનો હવે વિરોધ થઈ રહ્યો છે. ઈન્ટર્ન અને રેસિડેન્ટ ડોકટરોની માંગ છે કે 2009થી સ્ટાઈપેન્ડમાં 40 ટકાના વધારાને બદલે હવે માત્ર 20 ટકાનો વધારો આપવામાં આવ્યો છે. હવે સ્ટાઈપેન્ડમાં વધારો 3 વર્ષની જગ્યાએ 5 વર્ષ માટે થશે. જેનો ઈન્ટર્ન અને રેસિડેન્ટ ડોક્ટરો વિરોધ કરી રહ્યા છે. આ મામલે રેસિડેન્ટ ડોક્ટરો સોમવાર (2જી સપ્ટેમ્બર)થી હડતાળ પર જશે. આ દરમિયાન ઈમરજન્સી સેવા શરૂ કરવામાં આવશે.
આ પણ વાંચોઃ ભારે વરસાદ બાદ લોકોનો વિરોધ, વાહનચાલકો માટે નવી ‘આફત’, મોજમાં ભ્રષ્ટ અધિકારીઓ
આ મામલે જુનિયર ડોક્ટર્સ એસોસિએશનના ઉપપ્રમુખ શશાંક આશ્રાએ જણાવ્યું હતું કે, “અમે રાજ્ય સરકારને 25 વખત રજૂઆત કરી છે. પરંતુ સરકાર દ્વારા અમારી માંગણી સ્વીકારવામાં આવી નથી. અમે પણ ઈમરજન્સી બંધ રાખવા માંગતા નથી અને દર્દીઓ પરેશાન, પરંતુ લાંબા સમયથી અમારી માંગણી પુરી કરવામાં આવી નથી તેથી અમે વિરોધ કર્યો છે. પણ હડતાલ પર રહેશે.
ઈન્ટર્ન અને રેસિડેન્ટ ડોકટરોના સ્ટાઈપેન્ડમાં વધારો
રાજ્યની 6 સરકારી અને 13 GMERS (ગુજરાત મેડિકલ એજ્યુકેશન એન્ડ રિસર્ચ સોસાયટી) સંચાલિત મેડિકલ કોલેજોમાં સુપર સ્પેશિયાલિટી અભ્યાસક્રમોના ઈન્ટર્ન અને અનુસ્નાતક અને નિવાસી ડોકટરો માટેના સ્ટાઈપેન્ડના દરોમાં વધારો કરવામાં આવ્યો છે. આ વધારા મુજબ સરકારી મેડિકલ કોલેજોના મેડિકલ ઈન્ટર્નને રૂ. 21,840, ડેન્ટલમાં રૂ. 20,160, ફિઝીયોથેરાપી રૂ.13,440 અને આયુર્વેદ અને હોમિયોપેથી રૂ. 15,120નું સ્ટાઈપેન્ડ મળશે.
ડિગ્રી મેળવનાર તબીબી નિવાસીઓને પ્રથમ વર્ષે રૂ.1,00,800, બીજા વર્ષે રૂ.1,02,480, ત્રીજા વર્ષે રૂ.1,05,000, ચોથા વર્ષ (વરિષ્ઠ નિવાસી) માટે રૂ.1,10,880 અને ક્લિનિકલ મદદનીશ સુપર સ્પેશિયાલિસ્ટ સર્વિસીસના મેડિકલ રેસિડેન્ટ્સ પ્રથમ વર્ષે રૂ.1,20,960, બીજા વર્ષે રૂ.1,26,000 અને ત્રીજા વર્ષે રૂ.1,34,400 અને ડેન્ટલ રેસિડેન્ટ (ડિગ્રી) પ્રથમ વર્ષમાં રૂ.78,960, રૂ. .81,480 બીજા વર્ષમાં, રૂ. .83,496, ફિઝિયોથેરાપી (ડિગ્રી)માં પ્રથમ વર્ષે રૂ.35,280 અને બીજા વર્ષે રૂ.43,680 ચૂકવવામાં આવશે.
મેડિકલ રેસિડેન્ટ (ડિપ્લોમા)ને પ્રથમ વર્ષે રૂ.75,600 અને બીજા વર્ષે રૂ.82,320નું સ્ટાઇપેન્ડ ચૂકવવામાં આવશે. આયુર્વેદિક સેવાઓમાં પીજીને પ્રથમ વર્ષે રૂ. 50,400, બીજા વર્ષે રૂ. 53,760 અને રૂ. 57,120 ચૂકવવામાં આવશે. આ ઉપરાંત GMERS સંચાલિત મેડિકલ કોલેજોના સ્નાતક અભ્યાસક્રમોના ઇન્ટર્નને રૂ. 21,840, જુનિયર નિવાસીઓ રૂ.1,00,800 અને વરિષ્ઠ નિવાસીઓ રૂ. 1,10,880 ચૂકવવામાં આવશે.
GMERS સંચાલિત મેડિકલ કોલેજોમાં અનુસ્નાતક અભ્યાસક્રમોના જુનિયર અને સિનિયર રેસિડેન્ટ ફિઝિશ્યન્સને પ્રથમ વર્ષમાં રૂ. 1,00,800, બીજા વર્ષમાં રૂ. 1,02,480, ત્રીજા વર્ષમાં રૂ. 1,05,000 ચોથા વર્ષમાં (વરિષ્ઠ નિવાસી અને તબીબી સહાયક) થી રૂ. 1,10,880 સ્ટાઇપેન્ડ ચૂકવવામાં આવશે. રાજ્ય સરકાર દ્વારા આ સ્ટાઈપેન્ડ વધારાનો આદેશ તા. 01/04/2024 થી અમલમાં આવ્યો છે.
