ગાંધીનગરમાં SOGએ 37 લાખનો દારૂ જપ્ત કર્યો ગુજરાતમાં આગામી જિલ્લા અને તાલુકા પંચાયતની ચૂંટણીને ધ્યાનમાં રાખીને ગાંધીનગર પોલીસ એક્શન મોડમાં આવી ગઈ છે. ગાંધીનગર સ્પેશિયલ ઓપરેશન ગ્રુપ (SOG)એ સેક્ટર-28 GIDC વિસ્તારમાં બંધ ગોડાઉનમાં દરોડો પાડી ભારતીય બનાવટનો વિદેશી દારૂનો મોટો જથ્થો જપ્ત કર્યો છે. આ કામગીરી દરમિયાન પોલીસે કુલ રૂ.37.75 કરોડની કિંમતની દારૂની 972 બોટલ કબજે કરી છે.
જીઆઇડીસીના બંધ ગોડાઉનમાંથી રૂ.37.75 લાખનો વિદેશી દારૂ ઝડપાયો હતો
બાતમીના આધારે એસઓજીની ટીમો પેટ્રોલિંગમાં હતી તે દરમિયાન બાતમી મળી હતી કે સેક્ટર-28માં બંધ ગોડાઉનમાં વિદેશી દારૂનો જથ્થો સંતાડવામાં આવ્યો છે. આ ચોક્કસ માહિતીના આધારે એસઓજીની ટીમે ગોડાઉનમાં દરોડો પાડ્યો હતો. જેમાં પોલીસને ગોડાઉનમાંથી પ્રખ્યાત બ્રાન્ડની દારૂની બોટલો મળી આવી હતી.
આ પણ વાંચો: VIDEO | આગામી દિવસોમાં રાજ્યમાં તાપમાનમાં વધારો થશે, દરિયાકાંઠાના વિસ્તારોમાં ઠંડીનો અહેસાસ થશે
સમગ્ર મામલે સેક્ટર-21 પોલીસ સ્ટેશનમાં પ્રોહિબિશન એક્ટની વિવિધ કલમો હેઠળ કેસ નોંધવામાં આવ્યો છે. આ દરોડામાં દારૂનો જથ્થો ક્યાંથી આવ્યો અને કોનો છે તે જાણવા એસઓજીએ વધુ તપાસ હાથ ધરી છે.