ગાંધીનગરમાં અકસ્માત ગાંધીનગરમાં માર્ગ અકસ્માતોની સંખ્યામાં સતત વધારો થઈ રહ્યો છે. ત્યારે આજે (6 ફેબ્રુઆરી) ગાંધીનગરના વ્યસ્ત ચ-6 સર્કલ પાસે એક ભયાનક અકસ્માત સર્જાયો હતો, જેમાં ડમ્પર અને બાઇક વચ્ચે અથડાતા બાઇક ચાલકનું ઘટના સ્થળે જ મોત નીપજ્યું હતું.
આ પણ વાંચોઃ સાતમા દિવસે શાળામાં ફરી વિવાદ, 3 વિદ્યાર્થીઓએ 7મા ધોરણના વિદ્યાર્થી સાથે મારપીટ કરી, તેનું શર્ટ ફાડી નાખ્યું
કેવી રીતે થયો અકસ્માત?
મળતી માહિતી મુજબ ઘટના સમયે ડમ્પર ચ-5 સર્કલ પાસેથી ટર્ન લઈ રહ્યું હતું. દરમિયાન પાછળથી આવતી બાઇક ડમ્પર સાથે અથડાઇ હતી. જેમાં બે લોકો પટકાતા બાઇક ચાલકનું ઘટના સ્થળે જ મોત નિપજ્યું હતું. અકસ્માત થતાની સાથે જ આસપાસના લોકોના ટોળા એકઠા થઈ ગયા હતા અને વાહનવ્યવહાર ખોરવાઈ ગયો હતો. ઘટનાની જાણ થતા જ પોલીસ કાફલો તાત્કાલિક ઘટના સ્થળે પહોંચી ગયો હતો. પોલીસે ડમ્પર ચાલક સામે ગુનો નોંધી આગળની કાયદેસરની કાર્યવાહી હાથ ધરી છે.