ખેડા-અમદાવાદ હાઇવે અકસ્માત: ખેડા-અમદાવાદ હાઈવે પર આજે (29 માર્ચ) એક કરૂણ અકસ્માતની ઘટના પ્રકાશમાં આવી છે. વડાલા પાસે સર્જાયેલા આ ભયાનક અકસ્માતમાં એક જ પરિવારના ત્રણ લોકોના કરૂણ મોત નીપજતાં પંથકમાં ચકચાર મચી જવા પામી છે. એક ઝડપી ટેમ્પો અને બાઇક વચ્ચેની અથડામણમાં પિતા અને તેના બે માસુમ પુત્રોએ જીવ ગુમાવ્યો હતો.
ખેડા-અમદાવાદ હાઈવે પર ટેમ્પો અને બાઇક વચ્ચે ગમખ્વાર અથડામણમાં 3ના મોત
મળતી માહિતી મુજબ ખેડા-અમદાવાદ હાઈવે પર વડાલા નજીકથી પસાર થઈ રહેલા બાઇક ચાલક પરિવારને અજાણ્યા ટેમ્પોએ ટક્કર મારી હતી. અકસ્માતમાં પિતા અને તેના બે પુત્રોના ઘટનાસ્થળે જ મોત થયા હતા. એક જ પરિવારના ત્રણ સભ્યોના મોત બાદ પરિવાર પર આભ તૂટી પડ્યું છે.
આ પણ વાંચોઃ અમદાવાદઃ રાજસ્થાનના સરખેજમાં પાર્સલની આડમાં દારૂના નેટવર્કનો પર્દાફાશ, 4,401 બોટલ સાથે એક વ્યક્તિની ધરપકડ
ઘટનાની જાણ થતાં જ સ્થાનિક પોલીસ કાફલો ઘટનાસ્થળે દોડી ગયો હતો અને મૃતદેહને પોસ્ટમોર્ટમ માટે ખસેડવાનો પ્રયાસ કર્યો હતો. આ અંગે પોલીસે ટેમ્પો ચાલક સામે ગુનો નોંધી કાયદેસરની કાર્યવાહી હાથ ધરી છે.