ભારત વિ સા: ભારત અને દક્ષિણ આફ્રિકા વચ્ચે ICC T20 વર્લ્ડ કપ 2026 સુપર 8 મેચ આજે (22 ફેબ્રુઆરી) અમદાવાદના નરેન્દ્ર મોદી સ્ટેડિયમમાં રમાશે. બંને ટીમ શાનદાર ફોર્મમાં ચાલી રહી છે. ભારત અને દક્ષિણ આફ્રિકા આ ટૂર્નામેન્ટમાં અત્યાર સુધી અજેય છે. છેલ્લી વખત બંને T20 વર્લ્ડ કપમાં 2024ની ફાઇનલમાં મળ્યા હતા. જેમાં ભારત જીતીને ચેમ્પિયન બન્યું હતું. ત્યારે મેચને લઈને અમદાવાદના લોકોમાં ભારે ઉત્સાહ જોવા મળ્યો હતો. મેચ પહેલા સ્ટેડિયમની બહાર મોટી સંખ્યામાં લોકો એકઠા થયા હતા. ભારે ભીડ જોવા મળી હતી. તેમજ લોકો અલગ-અલગ વેશભૂષામાં જોવા મળ્યા હતા. દેશભરમાંથી લોકો અમદાવાદ પહોંચ્યા હતા. લોકો ટેટૂ સાથે પહોંચ્યા.
અમદાવાદ સ્ટેડિયમમાં ક્રિકેટપ્રેમીઓ ઉમટી પડ્યા હતા
અમદાવાદના નરેન્દ્ર મોદી સ્ટેડિયમ અને સ્ટેડિયમની બહાર મોટી સંખ્યામાં ક્રિકેટ પ્રેમીઓ ઉમટી પડ્યા છે. આ રોમાંચક મેચ જોવા માટે દેશભરમાંથી લોકો અમદાવાદ આવ્યા છે. ભારતીય ટીમના ચાહકો વાદળી જર્સી અને ભારતીય ધ્વજ લહેરાવતા જોવા મળે છે.
ભારતીય ચાહકો સ્ટેડિયમની બહાર બ્લુ ટીમને ચીયર કરતા જોવા મળ્યા હતા
