– વેડરોડના 42 વર્ષીય કાપડ દલાલ અને હીરાબજારમાં પંચર રિપેર કરનાર 42 વર્ષીય વૃદ્ધનું તબિયત બગડવાના કારણે મોત.

સુરતઃ

સુરત શહેરમાં છેલ્લા ઘણા સમયથી અચાનક બેહોશી અને છાતીમાં દુખાવાથી મોતનો સિલસિલો ચાલુ છે. ત્યારે ચોકબજારમાં 42 વર્ષીય કાપડ દલાલ અને મહિધરપુરામાં 42 વર્ષીય યુવક બેભાન થઈ જતાં મોત નીપજ્યું હતું.

સ્મીમેર હોસ્પિટલ ખાતેથી પ્રાપ્ત વિગતો મુજબ ચોકબજારમાં વેડ રોડ પર શારદા સ્કૂલ પાસે આવેલી શ્રી ખોડિયાર કૃપા સોસાયટીમાં રહેતા 42 વર્ષીય હર્ષદ ભવાની મોરડિયા ગત સાંજે ઘરે બેઠા હતા. તે સમયે અચાનક તબિયત લથડતા તેઓ બેભાન થઈ ગયા હતા. જેથી તેને સારવાર માટે ખાનગી હોસ્પિટલમાં ખસેડવામાં આવ્યો હતો. જ્યાં ફરજ પરના તબીબે તેને મૃત જાહેર કર્યો હતો. જ્યારે તેઓ બોટાદના વતની હતા. તેમના સંતાનોમાં એક પુત્ર અને એક પુત્રી છે. તે કાપડનો દલાલ હતો. અન્ય એક બનાવમાં મહિધરપુરાના હીરાબજાર ખાતે રહેતા 42 વર્ષીય રમેશ મથુરામ વિશ્વકર્મા ગઈકાલે રાત્રે ઘરે જમ્યા બાદ સુઈ ગયા હતા. બાદમાં તે એકાએક બેભાન થઇ જતાં તેને ખાનગી હોસ્પિટલમાં અને ત્યારબાદ સ્મીમેર હોસ્પિટલમાં સારવાર માટે ખસેડવામાં આવ્યો હતો. જ્યાં ફરજ પરના તબીબે તેને મૃત જાહેર કર્યો હતો. તે મૂળ ઉત્તર પ્રદેશના જૌનપુરનો વતની હતો. તેને ત્રણ બાળકો છે. પંચર બનાવવા માટે વપરાય છે.