સુરત ફાયર સમાચાર: આજે (11 માર્ચ) સુરતના સચિન વિસ્તારમાં એક ખાનગી કંપનીના ગોડાઉનમાં અચાનક ભીષણ આગ ફાટી નીકળી હતી, જેના કારણે સમગ્ર વિસ્તારમાં ભારે દોડધામ મચી ગઈ હતી અને નાસભાગ મચી ગઈ હતી. આગ એટલી વિકરાળ હતી કે તેના ધુમાડાના ગોટેગોટા આકાશમાં દૂર દૂર સુધી જોઈ શકાતા હતા. ઘટનાની ગંભીરતાને ધ્યાનમાં લઈને ફાયર વિભાગે તાત્કાલિક ‘મેજર કોલ’ જાહેર કર્યો હતો, જેથી આસપાસના વિસ્તારોમાંથી વધારાની મદદ બોલાવવી પડી હતી.
આગ પર કાબૂ મેળવવા માટે અત્યાર સુધીમાં 20થી વધુ ફાયર બ્રિગેડની ગાડીઓ ઘટનાસ્થળે પહોંચી ગઈ છે. સૂચિત વિસ્તારોમાંથી ફાયર ફાયટરોની સાથે, અન્ય સ્ટેશનોથી વધુ ટીમો મદદ માટે રવાના કરવામાં આવી છે. હાલ ફાયર કર્મીઓ દ્વારા આગ વધુ પ્રસરે નહીં અને તેને સંપૂર્ણ કાબુમાં લાવવાના પ્રયાસો યુદ્ધના ધોરણે ચાલી રહ્યા છે. સદનસીબે આ ઘટનામાં હજુ સુધી કોઈ જાનહાની થઈ નથી.
આ પણ વાંચોઃ અમદાવાદઃ સાયન્સ સિટી નજીક બિલ્ડિંગના પાર્કિંગમાં લાગી ભીષણ આગ, 10થી વધુ કાર બળીને ખાખ