સુરત સમાચાર: સુરતના ઓલપાડમાંથી એક ચોંકાવનારી ઘટના સામે આવી છે. જેમાં રિસોર્ટના સ્વિમિંગ પુલમાં ન્હાતી વખતે એક યુવકનું ડૂબી જવાથી મોત થયું હતું. સમગ્ર ઘટના સીસીટીવીમાં કેદ થઈ ગઈ છે, જ્યારે આ વીડિયો સોશિયલ મીડિયા પર વાયરલ થઈ રહ્યો છે.
સ્વિમિંગ પુલમાં ન્હાવા ગયેલા યુવકનું ડૂબી જવાથી મોત થયું હતું
મળતી માહિતી મુજબ ઓલપાડ તાલુકાના તલાદ ગામની બાજુમાં આવેલા અક્ષય રિસોર્ટના સ્વિમિંગ પુલમાં પાંડેસરાનો પુરૂષોત્તમ ચૌધરી (ઉંમર 22) નામનો યુવક 23 માર્ચે ન્હાવા ગયો હતો.જેમાં સ્વિમિંગ પુલમાં પુરુષોત્તમ ડૂબતો હોવાના દ્રશ્યો CCTVમાં કેદ થયા હતા.
આ પણ વાંચોઃ વાપીમાં માનવતા શરમજનક દ્રશ્યો: અકસ્માત બાદ 20 મિનિટ સુધી રાહદારીને પસાર થતા વાહનો, યુવકનું કરૂણ મોત
સમગ્ર ઘટના બાદ યુવકને સારવાર અર્થે 108 એમ્બ્યુલન્સ મારફતે ઓલપાડ સરકારી હોસ્પિટલમાં ખસેડવામાં આવ્યો હતો. જોકે, હોસ્પિટલમાં ડોક્ટરે યુવકને મૃત જાહેર કર્યો હતો.