– સવારે વરસાદ બાદ ગરમી સાથે હળવો આકરો દિવસ અનુભવાયો, સાંજે ફરી ભારે વરસાદથી ગરમીમાંથી રાહત.

સુરત

સુરત જિલ્લામાં ધીમીધારે શરૂ થયેલા વરસાદમાં આજે સવારે સર્વત્ર વરસાદ નોંધાયો હતો. સવારે એકાદ કલાક સુધી ઠંડક પ્રસરી ગયા બાદ દિવસ ફરી ગરમ થતાં શહેરવાસીઓએ હળવી ગરમીનો અનુભવ કર્યો હતો.

See also

Gujarat

પતિએ એક ઇજનેર છોકરી સાથે દગો કર્યો, જે વડોદરા પોલીસને આત્મહત્યા પર જાય છે ત્યારે બચાવ કરે છે | વડોદરા પોલીસે તેના પતિ દ્વારા દગો કર્યા બાદ એન્જિનિયર ગર્લને આત્મહત્યાથી બચાવો

ફ્લડ કંટ્રોલના પ્રવક્તાના જણાવ્યા અનુસાર દક્ષિણ ગુજરાતમાં વરસાદની આગાહી કરવામાં આવી છે. આ આગાહીના પરિણામે આજે સવારે વાતાવરણ વાદળછાયું બન્યું હતું. અને દરેક જગ્યાએ વરસાદ શરૂ થયો. સવારે 11 થી 12 વાગ્યા સુધી ભારે વરસાદ પડ્યો હતો. જેમાં પલસાણામાં દોઢ ઈંચ, ચોર્યાસીમાં અડધો ઇંચ બારડોલીમાં 4 મી.મી, સુરત, ચોર્યાસી,
મહુવા કામરેજ તાલુકામાં 2 મીમી વરસાદી પાણી પડયા હતા. આમ સર્વત્ર વરસાદ પડતાં ખેડૂતોએ પાકના વાવેતરની તૈયારીઓ આરંભી દીધી છે. જોકે બપોર બાદ ફરી ગરમીનો અહેસાસ થયો હતો. અને સાંજે ફરી જોરદાર વરસાદ પડતાં શહેરીજનોને ગરમીમાંથી રાહત મળી હતી.

વરસાદી વાતાવરણને કારણે બે દિવસમાં તાપમાનમાં ચાર ડિગ્રીનો ઘટાડો થયો હતો 31.2 ડિગ્રી

સુરત શહેરમાં વરસાદી વાતાવરણની સાથે સાથે તાપમાન પણ ઘટીને 31.2 ડિગ્રીએ પહોંચતા તમામ ઝોનમાં ઠંડીનો ચમકારો નોંધાયો હતો.હવામાન કચેરીના પ્રવક્તાના જણાવ્યા અનુસાર આજે સુરતનું મહત્તમ તાપમાન 31.2 ડિગ્રી નોંધાયું છે., લઘુત્તમ તાપમાન 27.2 ડિગ્રી, હવામાં ભેજનું પ્રમાણ 80 ટકા છે,હવાનું દબાણ 1000.2 મિલીબાર હતું અને પવન 8 કિમી પ્રતિ કલાકની ઝડપે દક્ષિણ-પશ્ચિમ દિશામાંથી ફૂંકાઈ રહ્યો હતો. આમ, વરસાદી વાતાવરણને કારણે છેલ્લા બે દિવસમાં તાપમાનમાં ચાર ડિગ્રીનો ઘટાડો થયો છે.