દ્વારકામાં ડ્રગ્સ મળી આવ્યું: દ્વારકા નજીકના દરિયાકાંઠેથી નશીલા પદાર્થોનો જથ્થો ઝડપવાનો સિલસિલો યથાવત છે. ત્યારે આજે (16મી જૂન) પોલીસને સર્ચ ઓપરેશન દરમિયાન બીચ પરથી ચરસના 64 પેકેટ મળ્યા હતા. જેની કિંમત અંદાજે 30 કરોડ રૂપિયા છે.

દ્વારકા બીચ પર પોલીસનું સર્ચ ઓપરેશન

See also

Gujarat

હવે દારૂની પરમિટ માટે રૂ.25 હજાર, રિન્યુઅલ માટે રૂ.20 હજાર, ગુજરાતમાં 45,000 દારૂની પરમીટ ધારકો

મળતી માહિતી મુજબ દેવભૂમિ દ્વારકાના દરિયા કિનારેથી ચરસની તસ્કરી થઈ રહી હોવાની બાતમી મળતાં પોલીસ ટીમે સર્ચ ઓપરેશન હાથ ધર્યું હતું. દરમિયાન, વંછુ અને ચંદ્રભાગા કિનારેથી ચરસના 64 પેકેટનો ગેરકાયદેસર જથ્થો જપ્ત કરવામાં આવ્યો હતો. આ ઉપરાંત કચ્છમાંથી પણ ચરસનો જથ્થો મળી આવ્યો છે. ડ્રગ્સ જેવા ગેરકાયદેસર નાર્કોટિક્સની દાણચોરીને અંકુશમાં લેવા માટે પોલીસ ડ્રોન દ્વારા દરિયાકાંઠાના વિસ્તારોમાં પેટ્રોલિંગ કરી રહી છે.

અગાઉ ચરસના 30 પેકેટ મળી આવ્યા હતા

થોડા દિવસો પહેલા રૂપેણ બંદર અને વરવાલા વિસ્તારમાંથી ચરસના 30 પેકેટ મળી આવ્યા હતા, જેનું કુલ વજન 32.053 કિલો હતું અને તેની કિંમત 16.65 કરોડ છે. ત્યારે દ્વારકાના દરિયા કિનારેથી ફરી 16.03 કરોડની કિંમતનો 32 કિલો ચરસ મળી આવ્યો હતો. નોંધનીય છે કે, છેલ્લા એક સપ્તાહમાં દ્વારકાના દરિયાકાંઠેથી અંદાજિત 57 કરોડની કિંમતના ચરસના 115 જેટલા પેકેટ ઝડપાયા છે.