ગયા ફેબ્રુઆરી-એપ્રિલ લેવાયેલ
ઓલ ઈન્ડિયાનું પરિણામ વર્ષ-25ની સરખામણીમાં 3.19 ટકા ઘટ્યું છે
ભાવનગર –
ભાવનગર સહિત અખિલ ભારતીય કક્ષાની CBSE બોર્ડની પરીક્ષા યોજાઈ હતી અને તેનું આજે પરિણામ જાહેર કરવામાં આવ્યું છે જેમાં ગત વર્ષે 88.39 ટકાની સરખામણીએ આ વર્ષે 3.19 ટકાના ઘટાડા સાથે 85.20 ટકા પરિણામ જાહેર થયું છે. ભાવનગરના 400 વિદ્યાર્થીઓનું પરિણામ પણ જાહેર કરવામાં આવ્યું છે.
ભાવનગર શહેર-જિલ્લામાં CBSC બોર્ડની કુલ સાત શાળાઓ કાર્યરત છે. જેમાં આ વર્ષે 11 ફેબ્રુઆરીથી 4 એપ્રિલ દરમિયાન લેવાયેલી ધોરણ 12ની પરીક્ષામાં 400થી વધુ વિદ્યાર્થીઓએ પરીક્ષા આપી હતી. જ્યારે આજે આ તમામ વિદ્યાર્થીઓનું પરિણામ ઓનલાઈન જાહેર કરવામાં આવ્યું છે. જોકે, સૂત્રોના જણાવ્યા અનુસાર ભાવનગરનું પરિણામ પણ 85 ટકા જેટલું સારું હોવાનું જાણવા મળ્યું છે. અખંડ ભારતના પરિણામો પર નજર કરીએ તો આ વર્ષે પરિણામ ગત વર્ષ 2025ના 88.39 ટકા સામે 85.20 ટકા આવ્યું છે. જેમાં 3.19 ટકાનો ઘટાડો થયો છે.