અમદાવાદ અને રાજકોટમાં હવામાનમાં પલટો, ભારે પવન સાથે વરસાદ
અપડેટ કરેલ: 14મી જૂન, 2024
ગુજરાતનો વરસાદ: છેલ્લા ઘણા દિવસોથી રાજ્યના વિવિધ ભાગોમાં વરસાદ પડી રહ્યો છે. દરમિયાન અમદાવાદમાં સતત બીજા દિવસે વરસાદ પડ્યો છે. આજે (14મી જૂન) સાંજથી શહેરના અનેક વિસ્તારોમાં ભારે પવન સાથે વરસાદ શરૂ થયો છે. આ ઉપરાંત રાજકોટમાં અનેક વિસ્તારોમાં છૂટોછવાયો વરસાદ પડ્યો હતો. નોંધનીય છે કે, ડાંગના આહામાં આજે સવારે ભારે વરસાદ પડ્યો હતો. જેના કારણે નીચાણવાળા વિસ્તારોમાં સર્વત્ર પાણી ભરાઈ ગયા હતા.
રાજકોટના અનેક વિસ્તારોમાં વરસાદ
હવામાન વિભાગની આગાહી વચ્ચે રાજકોટના અનેક વિસ્તારોમાં વરસાદ પડ્યો હતો. કાલાવડ રોડ, યાજ્ઞિક રોડ, નાના મવા, મવડી સહિતના વિસ્તારોમાં ધીમીધારે વરસાદ વરસ્યો હતો. આજે વરસાદના કારણે વાતાવરણમાં ઠંડક પ્રસરી હતી. ભારે વરસાદ બાદ લોકોને ગરમીથી રાહત મળી છે.
હવામાનશાસ્ત્રી અંબાલાલ પટેલની આગાહી
હવામાનશાસ્ત્રી અંબાલાલ પટેલની આગાહી મુજબ રાજ્યના વિવિધ ભાગોમાં છૂટોછવાયો વરસાદ પડશે. પરંતુ 17મીથી 22મી જૂન સુધી ભારે પવન સાથે વરસાદ પડશે. જેમાં કેટલીક જગ્યાએ વૃક્ષો પડી જવાની અને કાચા મકાનોના છાપરા ઉડી જવાની સંભાવના છે.’