સુરત કોર્પોરેશન : સુરત મહાનગરપાલિકાની વર્ષ 2021ની ચૂંટણી માટે કોર્પોરેટર તરીકે નિયુક્ત થયા બાદ ચૂંટાયેલા પ્રતિનિધિઓની કાર્યકાળનો ગઈકાલે અંતિમ દિવસ હતો. પરંતુ આ છેલ્લો દિવસ ચૂંટાયેલા પ્રતિનિધિઓ કે પદાધિકારીઓના પ્રથમ દિવસ જેવો બની ગયો હતો. ગઈકાલે બપોરે નગરપાલિકાના પદાધિકારીઓ અને વિવિધ સમિતિઓના ચેરમેનો અને કોર્પોરેટરો આવ્યા ત્યારે પાલિકા કચેરી ગૃહ ભરાઈ ગઈ હતી અને શુભેચ્છકો મોટી સંખ્યામાં ઉમટી પડ્યા હતા.
નગરપાલિકામાં મેયર, ડેપ્યુટી મેયર, સ્ટેન્ડિંગ કમિટી ચેરમેન, શાસક પક્ષના નેતા કે વિવિધ કમિટીના ચેરમેનની નિમણૂક થાય ત્યારે શુભેચ્છકો ચૂંટાયેલા પ્રતિનિધિઓ પાસે ઉમટી પડે છે તે સામાન્ય બાબત છે. પરંતુ સુરત મહાનગરપાલિકાના ચૂંટાયેલા પ્રતિનિધિઓ સહિતના હોદ્દેદારોની ટર્મ પૂર્ણ થવાના અંતિમ દિવસે જાણે હોદ્દો ગ્રહણ કર્યો હોય તેમ નગરપાલિકા કચેરીમાં અભિવાદનનો માહોલ જોવા મળ્યો હતો અને શુભેચ્છકો-સમર્થકો તેમને વધાવવા આવ્યા હતા.
ચૂંટાયેલા કોર્પોરેટરો, વિવિધ સમિતિઓના અધ્યક્ષો અને પદાધિકારીઓ મોટી સંખ્યામાં તેઓને અભિનંદન આપવા પહોંચ્યા હતા અને આગામી ટર્મમાં વધુ પ્રગતિ કરે તેવી શુભેચ્છાઓ પાઠવી હતી. હોદ્દેદારોએ આ શુભેચ્છકો માટે નાસ્તો અને ભોજનની વ્યવસ્થા પણ કરી હતી. અનેક મહિલા કોર્પોરેટરોની ટર્મના છેલ્લા દિવસે અશ્રુભીના દ્રશ્યો જોવા મળ્યા હતા.