સુરત સમાચાર: સુરતમાં વન વિભાગના અધિકારીને માથામાં ગોળી મારી દેવામાં આવી હોવાની ઘટના સામે આવી છે. મહિલા અધિકારી ગંભીર રીતે ઘાયલ થતાં તેને સારવાર માટે હોસ્પિટલમાં ખસેડવામાં આવી હતી. જોકે ગોળી કેવી રીતે અને કયા સંજોગોમાં વાગી તે અંગે તપાસ હાથ ધરવામાં આવી છે.
એક ફોરેસ્ટ ઓફિસરને માથામાં ગોળી વાગી હતી
મળતી માહિતી મુજબ સુરત જિલ્લાના કામરેજ-જોઠા રોડ પર વન વિભાગના અધિકારી આરએફઓ સોનલ સોલંકીને ગોળી વાગી હતી અને તેમને તાત્કાલિક સારવાર માટે પી.પી. સવાણીને હોસ્પિટલમાં લઈ જવામાં આવી હતી. ગોળી મગજમાં વાગી હતી અને ઓપરેશન કરીને ગોળી કાઢી નાખવામાં આવી હતી. હાલમાં આરએફઓ સોનલની હાલત નાજુક જણાઈ રહી છે.
આ પણ વાંચોઃ રાણીપના જ્વેલર્સની આંખમાં મરચાં ફેંકનાર મહિલાને માર માર્યો, લૂંટનો પ્રયાસ કે અંગત અદાવત? રહસ્ય અકબંધ
બે દિવસ પહેલા તેમની કારમાંથી જીપીએસ ટ્રેકર મળી આવતાં આરએફઓ સોનલે કામરેજ પોલીસ સ્ટેશનમાં અજાણ્યા શખ્સો સામે ફરિયાદ નોંધાવી હતી. આરએફઓ સોનલના પારિવારિક વિવાદ અંગે કોર્ટમાં કેસ ચાલી રહ્યો હોવાનું સામે આવ્યું છે. ફોરેસ્ટ ઓફિસરને માથામાં કેવી રીતે ગોળી વાગી અને સમગ્ર મામલો શું છે તે અંગે પોલીસે વધુ તપાસ હાથ ધરી છે.