સુરત સમાચાર: સુરતમાં નો-પાર્કિંગમાં કાર પાર્ક કરવાને લઈને ટ્રાફિક પોલીસ અને કાર ચાલક વચ્ચે ઝઘડો થયો હતો. કાર ચાલક અને પોલીસ વચ્ચે ઝપાઝપીનો વીડિયો સોશિયલ મીડિયા પર વાયરલ થયો છે.
ટ્રાફિક પોલીસ અને કાર ચાલક વચ્ચે ઘર્ષણ
મળતી માહિતી મુજબ, સુરતના ઉધના વિસ્તારમાં આવેલા સિલિકોન શોપર્સ પાસે નો-પાર્કિંગ ઝોનમાં પાર્ક કરાયેલા વાહનો સામે કાર્યવાહી કરવામાં આવી રહી હતી. દરમિયાન સ્થળ પર એક કાર ઉભી હોવાથી ફરજ પરના ટ્રાફિક પોલીસે કારને ટોઈંગ કરવાની કામગીરી કરી હતી. જો કે, તે સમયે ડ્રાઈવર ત્યાં આવ્યો હતો અને પોલીસકર્મી સાથે મારપીટ કરી હતી.
બોલાચાલી વધી હતી અને કાર ચાલકે પોલીસકર્મી સાથે ઝપાઝપી કરી હતી. મારામારીને પગલે લોકોના ટોળા ઉમટી પડ્યા હતા.
આ પણ વાંચોઃ સુરતમાં પ્રેમ જાળમાં સગીરા પર બળાત્કાર અને બ્લેકમેલિંગનો ગંભીર મામલો, પોલીસે નરાધમને ઝડપી પાડ્યો
ઘટનાને પગલે પોલીસકર્મીએ તાત્કાલિક ઉધના પોલીસનો સંપર્ક કર્યો હતો. સમગ્ર બનાવ સંદર્ભે પોલીસે કાર ચાલક સામે ફરજમાં બેદરકારીનો ગુનો નોંધી આગળની કાર્યવાહી હાથ ધરી છે.