સુરત રક્ષાબંધન વિશેષ: સુરત શહેરમાં આજે રક્ષાબંધન પર્વની ઉત્સાહભેર ઉજવણી કરવામાં આવી હતી. બીજી તરફ સુરત લાજપોર સેન્ટ્રલ જેલમાં પણ ભાઈ-બહેનના પવિત્ર તહેવારની ઉજવણી કરવામાં આવી હતી. દર વર્ષે બહેનો જેલમાં બંધ ભાઈઓને રૂબરૂ રાખડી બાંધે છે. આજે જેલની અંદર રક્ષાબંધન પર્વની ઉજવણી દરમિયાન ખૂબ જ લાગણીસભર અને હૃદય સ્પર્શી દ્રશ્યો સર્જાયા હતા. બહેનોએ ભાઈના કાંડા પર રાખડી બાંધી ત્યારે ભાઈ-બહેન ચોધાર આંસુએ રડી પડ્યા હતા. બીજી તરફ આ દ્રશ્ય જોઈ પોલીસ બહેનો પણ રડી પડી હતી.
ગત વર્ષે સુરતની લાજપોર સેન્ટ્રલ જેલમાં સરકાર પાસેથી વિશેષ પરવાનગી લઈને પ્રથમ વખત કેદીઓ રૂબરૂ મળીને રક્ષાબંધનની ઉજવણી કરી શકે તેવી વ્યવસ્થા કરી હતી. આ વર્ષે પણ આવું જ આયોજન કરવામાં આવ્યું હતું. જેમાં કાચા-પાકા કામ જેલમાં બંધ કેદીઓની બહેન દ્વારા આજે જેલની અંદર ખાસ રક્ષાબંધનની ઉજવણી કરવામાં આવી હતી. તેના બંધક ભાઈને મળ્યા પછી, બહેને જેલની અંદર તેના કાંડા પર રાખડી બાંધી અને તેને મીઠાઈ ખવડાવી અને તેનું મોં મીઠું કરીને પવિત્ર તહેવારની ઉજવણી કરી. દરમિયાન, જેલની અંદર ભાઈ-બહેનના પ્રેમના ખૂબ જ ભાવનાત્મક અને હૃદયદ્રાવક દ્રશ્યો સામે આવ્યા.
