સુરત : સુરત મહાનગરપાલિકામાં છેલ્લા કેટલાક સમયથી કતારગામ શાળાની જગ્યાના સ્થળાંતરને લઈને જિલ્લાભરમાં વિવાદ ચાલી રહ્યો હતો. આજે પાલિકાની સ્ટેન્ડિંગ કમિટીએ તાત્કાલિક અસરથી નવા સ્થળે શાળાનું કામકાજ બંધ કરવાનો આદેશ કર્યો છે. આ સાથે નવા સ્થળે કેવી રીતે કામગીરી શરૂ થઈ તે અંગે તપાસના આદેશ આપવામાં આવ્યા છે.
સુરત મહાનગર પાલિકાના કતારગામ ઝોનમાં વોર્ડ નંબર સાતમાં માધ્યમિક શાળા મંજૂર કરવાની ભલામણ ધારાસભ્યએ કરી હતી. ત્યાં વોર્ડ નંબર 8માં કામગીરી શરૂ થઈ હતી.આ મુદ્દે વિવાદ સર્જાયો હતો, પહેલા ભાજપના કોર્પોરેટરો નરેન્દ્ર પાંડવ અને જ્યોતિ પટેલે સ્થળ બદલવાનો વિરોધ કર્યો હતો. પક્ષના કોર્પોરેટરના વિરોધ બાદ વિરોધ પક્ષે પણ આ મુદ્દે વિરોધ કર્યો હતો.
દરમિયાન આજે મળેલી સ્થાયી સમિતિની બેઠકમાં આ શાળાનું કામ તાત્કાલિક ધોરણે નવા સ્થળે બંધ કરવા સૂચના આપવામાં આવી છે. ચેરમેન રાજન પટેલે જણાવ્યું હતું કે ભાજપના કોર્પોરેટર દ્વારા શાળાની માંગણી કરવામાં આવી હતી. અને ધારાસભ્ય વિનોદ મોરડીયાએ અન્ય વિસ્તારોમાં વધુ લાભાર્થીઓ મળી શકે તે માટે સ્થળ બદલવાનું સૂચન કર્યું હતું. નવી જગ્યાએ શાળાનું બાંધકામ શરૂ કરી તપાસ સોંપવામાં આવી છે. સ્થાયી સમિતિની મંજુરી વિના કામ કેવી રીતે શરૂ થયું તેની તપાસના આદેશ સાથે શાળાનું બાંધકામ તાત્કાલિક ધોરણે બંધ કરી દેવાના આદેશ આપવામાં આવ્યા છે. તેમણે વધુમાં જણાવ્યું હતું કે, સ્થાનિક લોકો કોર્પોરેટર સાથે ચર્ચા કરશે અને શાળા અંગે નિર્ણય લેવામાં આવશે.
