વાવ થરાદ ફ્લેમિંગો આગમન: ગુજરાતની સરહદો માત્ર દેશની રક્ષા જ નથી કરતી પણ ક્યારેક કુદરતના એવા અદ્ભુત નજારાઓ પણ રજૂ કરે છે જેને જોઈને આંખો ધન્ય થઈ જાય છે. વાવ-થરાદ સરહદને અડીને આવેલા ધરણીધર વિસ્તારના રચના (રસણા) ગામની અંદર આજે શનિવારે (23 મે) વહેલી સવારે એક વિચિત્ર અને અલગ દૃશ્ય જોવા મળ્યું હતું. ગામમાં વિદેશી મહેમાનો એટલે કે ‘પિંક આર્મી’ આવી પહોંચી છે.
ભારત-પાક. સેંકડો ‘ફ્લેમિંગો’ પક્ષીઓ સરહદ નજીક રચેના ગામની સીમમાં પહોંચ્યા
તસવીરોમાં કેદ થયેલું આ નયનરમ્ય દ્રશ્ય કોઈ વિદેશી ધરતીનું નથી, પરંતુ આપણી રચના ગ્રામ પંચાયતની સીમનું છે. સાત સમુદ્ર પારથી વિદેશી પક્ષીઓ ‘સુરખાબ’ (ફ્લેમિંગો) આપણા 25 કિલોમીટર પહોળા સફેદ રણને વટાવીને અહીં પહોંચ્યા છે.
આ પણ વાંચો: અમદાવાદીઓ માટે સારા સમાચાર: વેકેશનને કારણે અટલ બ્રિજ, ફ્લાવર પાર્ક અને મૂન ટ્રેઇલ પાર્કનો સમય લંબાયો
ભારત-પાકિસ્તાન સરહદની એકદમ નજીક આવેલા આ વિસ્તારમાં હજારો સુંદર પક્ષીઓ કિલકિલાટ કરતા જોવા મળે છે અને સમગ્ર સરહદી વિસ્તાર ગુલાબી રંગે રંગાયેલો જણાય છે. સ્થાનિક ગ્રામજનો આ અદ્ભુત નજારાને કુદરતની મહાન ભેટ માની રહ્યા છે અને આ નજારો સોશિયલ મીડિયા પર પણ આકર્ષણનું કેન્દ્ર બન્યો છે.