સુરત : સુરત મહાનગરપાલિકાના વરાછા વિસ્તારમાં 25 વર્ષ પહેલા બનેલા સરદાર સ્મૃતિ ભવનમાં લાઇટ એન્ડ સાઉન્ડ સિસ્ટમનું સમારકામ કરવા માંગ ઉઠી હતી. પાલિકાએ સરદાર સ્મૃતિ ભવનના નવીનીકરણ માટે કન્સલ્ટન્ટને કામગીરી સોંપી હતી, ત્યારબાદ 23 કરોડના ખર્ચે લાઇટ-સાઉન્ડ સિસ્ટમ સહિતની અનેક સિસ્ટમ અપડેટ કરવામાં આવશે. આ કામગીરી મુખ્યમંત્રી સુવર્ણ જયંતિ શહેરી વિકાસ યોજના હેઠળ ગ્રાન્ટ માટે કરવામાં આવી રહી છે.
સુરતના વરાછા વિસ્તાર માટે સરદાર સ્મૃતિ ભવન સાંસ્કૃતિક કાર્યક્રમો અને વિવિધ શાળાના કાર્યક્રમો માટે હોટ ડેસ્ટિનેશન બની ગયું છે. 25 વર્ષ પહેલા બનેલ સરદાર સ્મૃતિ ભવનમાં એસી સાથે સાઉન્ડ સિસ્ટમ અને લાઈટ સિસ્ટમ છે. સહિતની ટેક્નોલોજી જૂની હતી અને તેના કારણે સરદાર સ્મૃતિ ભવનમાં કાર્યક્રમ દરમિયાન કેટલીક મુશ્કેલીની ફરિયાદો ઉઠી હતી.
સરદાર પટેલ સ્મૃતિ ભવનના રિનોવેશન માટે સિવિલ, ઈલેક્ટ્રીકલ અને મિકેનિકલ કામો અને માળખાકીય મજબૂતીકરણ માટે કન્સલ્ટન્ટ્સ મુકુંદ દલાલ એન્ડ એસોસિએટ્સની નિમણૂક કરવામાં આવી હતી અને અંદાજ પણ તૈયાર કરીને પાલિકાને આપવામાં આવ્યો હતો. આ કામ માટે 23.66 લાખનો અંદાજ તૈયાર કરીને જાહેર બાંધકામ સમિતિને સુપરત કરવામાં આવ્યો છે. આ કામને સુવર્ણ જયંતિ મુખ્યમંત્રી શહેરી વિકાસ યોજના હેઠળ ગ્રાન્ટ મળશે તેમ પણ જણાવાયું છે.
વરાછા વિસ્તારમાં 25 વર્ષ પહેલા બનેલ સરદાર પટેલ સ્મૃતિ ભવન હાલમાં 160 ટન એસ.સી. ચિલર પ્લાન્ટને 25 વર્ષ જૂનો હોવાથી લાઇટિંગ સિસ્ટમ-સાઉન્ડ સિસ્ટમ અને સ્ટેજ લાઇટ સહિત અપગ્રેડ કરવાની દરખાસ્ત અંગે બાંધકામ સમિતિ નિર્ણય લેશે.
