વડોદરા : વડોદરા નજીકના લામડાપુરા ગામ ખાતે આજે બપોરે એક કંપનીમાં લાગેલી ભીષણ આગને કાબૂમાં લેવા સ્થાનિક ફાયર બ્રિગેડ તેમજ વડોદરા ફાયર બ્રિગેડને પણ મદદ માટે બોલાવવામાં આવ્યા હતા.
સાવલી તાલુકાના લામડાપુરા ગામે આવેલી રાજશાહ નામની કેમિકલ કંપનીમાં આજે બપોરે કોઈ કારણોસર આગ અને ધુમાડાના વાદળો ઘેરાઈ ગયા હતા. જ્યારે દૂર દૂરના ગામડાઓમાંથી લોકો મોટી સંખ્યામાં ઉમટી પડ્યા હતા.
પ્રાથમિક વિગતો અનુસાર, ઘટનાની જાણ થતાં જ લોકો પ્લાન્ટમાંથી બહાર દોડી આવ્યા હોવાથી કોઈ જાનહાની થઈ નથી. સાવલી ફાયર બ્રિગેડે આગ પર કાબુ મેળવવાનો પ્રયાસ કર્યો હતો. પરંતુ આગ વધુ વકરતાં વડોદરા ફાયર બ્રિગેડની મદદ લેવામાં આવી હતી.
વડોદરાની બે ટીમ આગને કાબૂમાં લેવા પ્રયાસ કરી રહી છે. પોલીસ પણ ઘટનાસ્થળે પહોંચી હતી અને ફાયર બ્રિગેડ કોઈપણ અવરોધ વિના વ્યવસ્થા જાળવવામાં વ્યસ્ત હતી.
