વડોદરા ક્રાઈમ : વડોદરાના સમા વિસ્તારમાં રાત્રિના સમયે બાઇક સવાર વેપારી પર હુમલા અંગે પોલીસે ત્રણ લોકો સામે ગુનો નોંધ્યો છે.
છાણી જકાતનાકા પાસેના ચિસ્તિયા નગરમાં રહેતા અને સાવલીમાં ઈંટનો ભઠ્ઠો ચલાવતા શાદાબખાન પઠાણે પોલીસને જણાવ્યું હતું કે, તારીખ ચોથી મોડી રાત્રે હું બાઇક પર ઘરે જઈ રહ્યો હતો ત્યારે સામાની નવરચના સ્કૂલ પાસે એક શખ્સે મને માથા અને ખભા પર પથ્થરના સ્ટમ્પ વડે માર્યો હતો.
અચાનક હુમલો થતાં હું બાઇક છોડીને ભાગવા લાગ્યો હતો જેથી હુમલાખોર મારી પાછળ દોડ્યો હતો. આ સમયે લોકો એકઠા થઈ ગયા હતા અને આ દરમિયાન બે વ્યક્તિઓ સ્કૂટર પર આવ્યા હતા અને હુમલાખોર તેમની સાથે ફરાર થઈ ગયા હતા. જેથી પોલીસે ગુનો નોંધી તપાસ હાથ ધરી છે.