વડોદરા શહેરના નવાપુરા વિસ્તારમાં કાકા-ભત્રીજાને માર મારવાની ઘટના પ્રકાશમાં આવી છે. રિક્ષાચાલકે ધીમી ગાડી ચલાવવાનું કહેતા તેના બે મિત્રો સાથે મળીને રિક્ષા પર હુમલો કર્યાનો મામલો નવાપુરા પોલીસ મથકે પહોંચ્યો છે.
નવાપુરા માળી મહોલ્લામાં રહેતો અને એમ.એસ.યુનિવર્સિટીમાં અભ્યાસ કરતા જયરાજ ઠાકોરે નોંધાવેલી ફરિયાદ મુજબ તા. 28 માર્ચના રોજ સાંજે 7:00 વાગ્યાના સુમારે જયરાજ ઘર પાસે ઝઘડો થતાં ઘરે પહોંચ્યો હતો. તે સમયે સાબીર શેખ નામના રિક્ષાચાલકને તેના કાકા સંદિપભાઈ ઠાકોર (રહે. સુંદરપુરા ગામ) સાથે રિક્ષા ધીમી કરવા બાબતે ઉગ્ર બોલાચાલી થઈ હતી.
આ દરમિયાન રિક્ષાચાલકે સંદિપભાઈને ગાળો બોલી જાનથી મારી નાખવાની ધમકી આપી ત્યાંથી ચાલ્યો ગયો હતો. જોકે, થોડીવાર બાદ સંદીપભાઈ ઘરે જઈ રહ્યા હતા ત્યારે સાબીર શેખ ફરીથી તેના બે સાગરીતો સાથે શરાફી હોલ પાસે આવી પહોંચ્યો હતો અને સંદીપભાઈ પર હુમલો કર્યો હતો.
કાકાને બચાવવા દરમિયાનગીરી કરનારા હુમલાખોરોએ જયરાજને પણ માર માર્યો હતો. આ બનાવને પગલે બંનેને ઈજા થઈ હતી.
આ બનાવ અંગે નવાપુરા પોલીસે ફરિયાદના આધારે રિક્ષા ચાલક સામે ગુનો નોંધી કાયદેસરની કાર્યવાહી હાથ ધરી છે.