સુરતમાં પુલ: બ્રિજ સિટી સુરતમાં હવે વીસથી વધુ બ્રિજ છે અને આ તમામ બ્રિજ સતત ટ્રાફિકથી ધમધમતા રહે છે. જેથી જરુરીયાત મુજબ જાળવણી કરવામાં આવી રહી છે. હાલમાં સુરત મહાનગરપાલિકાએ 50થી વધુ બ્રિજમાં સર્વે હાથ ધરતાં વિવિધ પ્રકારના મેઈન્ટેનન્સની જરૂરિયાત ઉભી થઈ છે. આ માટે પાલિકાએ ટેન્ડર બહાર પાડ્યું હતું. જેમાં 1.80 કરોડના ખર્ચે ઓપરેશન માટે ઓફર આવી છે. તે દરખાસ્ત સ્થાયી સમિતિમાં રજૂ કરવામાં આવી છે. તેની સામે હવે નિર્ણય લેવામાં આવશે.
સુરત શહેરના વિસ્તરણ બાદ વસ્તી અને વિસ્તારની સાથે વાહનોની સંખ્યા પણ સતત વધી રહી છે. વાહનોની સંખ્યામાં વધારો થતા ટ્રાફિકની સમસ્યા વધી રહી છે. જેના કારણે નગરપાલિકા દ્વારા રસ્તા પહોળા કરવાની સાથે વિવિધ માર્ગો પર પુલ બનાવવામાં આવી રહ્યા છે. સુરતમાં ખાદી બ્રિજ, તાપી બ્રિજ અને રેલ્વે ઓવરબ્રિજ સવાસો કરતા વધુ બનાવવામાં આવ્યા છે. આ બ્રિજ માટે પાલિકાએ સર્વે હાથ ધર્યો હતો. જેમાં 50 જેટલા બ્રિજમાં વિવિધ પ્રકારના મેઇન્ટેનન્સની જરૂરિયાત ઉભી થઇ હોવાનું બહાર આવ્યું હતું. આ માટે ટેન્ડર પ્રક્રિયા હાથ ધરવામાં આવી હતી. જેમાં ઇજારાદારે અંદાજીત રૂ.1.80 કરોડના ખર્ચે સમારકામ કરવાની તૈયારી દર્શાવી છે. આ સ્થિતિમાં બ્રિજના વિરિંગ કોટ અને અન્ય રિપેરીંગની કામગીરીને ધ્યાને રાખીને તંત્ર દ્વારા સ્થાયી સમિતિ સમક્ષ શાસકો સમક્ષ દરખાસ્ત રજૂ કરવામાં આવી છે, જે અંગે શુક્રવારે નિર્ણય લેવામાં આવશે.