– NP બે વર્ષ પહેલા સુપરસીડ, હવે એડમિનિસ્ટ્રેટરનું શાસન
– બોટાદ જિલ્લા પંચાયત અને બોટાદ તા.પં.ની તુરખા અને રાણપુર તા.પં.ની માલણપુર બેઠકની એક-એક પેટા ચૂંટણી યોજાશે.
બોટાદ: બોટાદ નગરપાલિકા બે વર્ષ પહેલા સુપરસીડ થઈ હતી અને હવે તે વહીવટદારના શાસનમાં છે. આજે રાજ્ય ચૂંટણી પંચ દ્વારા સ્થાનિક સ્વરાજ્યની સંસ્થાઓની ચૂંટણીનો કાર્યક્રમ જાહેર કરવામાં આવ્યો છે અને બોટાદ નગરપાલિકાની મધ્યસત્ર ચૂંટણી યોજાશે.
પ્રાપ્ત વિગતો અનુસાર રાજ્ય ચૂંટણી પંચ ગાંધીનગર દ્વારા બોટાદ જિલ્લામાં નગરપાલિકા/જિલ્લા/તાલુકા પંચાયતોની સામાન્ય, મધ્ય સત્ર, પેટા ચૂંટણીનું સમયપત્રક નક્કી કરવામાં આવ્યું છે. જે મુજબ ફેબ્રુઆરી-2025ની મધ્યસત્ર ચૂંટણી અંતર્ગત નગરપાલિકાની વિગતો પર નજર કરીએ તો બોટાદ જિલ્લામાં બોટાદ નગરપાલિકાનો સમાવેશ થાય છે. બોટાદ નગરપાલિકા બે વર્ષ પહેલા સુપરસીડ કરવામાં આવી હતી અને હાલમાં વહીવટદાર શાસન હેઠળ છે. હવે રાજ્ય ચૂંટણી પંચ દ્વારા ચૂંટણીનો કાર્યક્રમ જાહેર કરાયા બાદ બોટાદ નગરપાલિકાની મધ્યસત્ર ચૂંટણી યોજાશે. જેમાં પાલિકાના 11 વોર્ડની 44 બેઠકો માટે 27મી જાન્યુઆરીના રોજ જાહેરાત પ્રસિદ્ધ થતાં ઉમેદવારી પત્રો ભરવાની શરૂઆત કરવામાં આવશે. ફેબ્રુઆરી-2025માં થનારી સામાન્ય ચૂંટણી અંતર્ગત નગરપાલિકાની વિગતો પર નજર કરીએ તો ગરડા નગરપાલિકાની ચૂંટણી યોજાશે.
ફેબ્રુઆરી-2025માં પેટાચૂંટણી હેઠળની જિલ્લા પંચાયતોની વિગતોમાં બોટાદ જિલ્લા પંચાયતની 14-પલિયાડ બિનઅનામત સામાન્ય બેઠક અને બોટાદ તાલુકા પંચાયતની 21-તુરખા બિનઅનામત સામાન્ય બેઠક અને રાણપુર તાલુકા પંચાયતની 10-માલણપુર બિનઅનામત સામાન્ય બેઠકનો સમાવેશ થાય છે.
ચૂંટણી કાર્યક્રમ મુજબ ચૂંટણીની જાહેરાતની તારીખ. 21-1, સૂચનાના પ્રકાશનની તારીખ. 27-1, ઉમેદવારી પત્રો ભરવાની છેલ્લી તારીખ. 1-2, ઉમેદવારી પત્રોની ચકાસણીની તારીખ. 3-2, ઉમેદવારી પાછી ખેંચવાની છેલ્લી તારીખ. 4-2, મતદાન તારીખ. 16-2 (રવિવાર) (સવારે 7 થી 6 વાગ્યા સુધી), પુનઃ મતદાનની તારીખ (જો જરૂરી હોય તો) તા. 17-2, મતગણતરી તારીખ 18-2 ચૂંટણી પ્રક્રિયા પૂર્ણ થવાની તારીખ 21-2 રહેશે.
