સુરત શહેર હવે ખોરાકમાં ભેળસેળનું હબ બની રહ્યું છે. હાલમાં સુરતમાં એક પછી એક અનેક ખાદ્યપદાર્થોમાં ભેળસેળ બહાર આવી રહી છે. સુરતમાં ચીઝમાં મોટા પ્રમાણમાં ભેળસેળનો ખુલાસો થયો છે. આ ઉપરાંત સુરતીઓમાં દેશી ઘી અને માખણ અને પનીર જેવી ડેરી પ્રોડક્ટ્સના નામે ભેળસેળ કરવામાં આવતી હોવાની ફરિયાદ ઉઠી છે, આ પહેલા સુરતના પ્રખ્યાત પોંક વડા અને પોક માટે સેવમાં પણ ભેળસેળ થતી હોવાની ફરિયાદ ઉઠી છે. જેમાં કેટલાક વેપારીઓ વધુ નફો કમાવવા માટે સુરતીઓના ટેસ્ટ સાથે છેતરપિંડી કરતા હોય આવા વેપારીઓ સામે સત્વરે કાર્યવાહી કરવામાં આવે તેવી સુરતી પ્રેમીઓ માંગ કરી રહ્યા છે.
શિયાળાની શરૂઆત થતાની સાથે જ સુરતમાં પોંકની સાથે પોંકની સિઝન પણ શરૂ થાય છે, પોંકમાંથી બનતી વિવિધ વાનગીઓનું પણ વેચાણ થઈ રહ્યું છે. રાત્રિના સમયે પોંક નગરના કેટલાક લોકો ટેસથી વાનગીઓ બનાવતા હોય છે, પરંતુ પોંક વડા અને અન્ય વાનગીઓમાં ભેળસેળ થતી હોવાની ફરિયાદ ઉઠી છે. કેટલાક વેપારીઓ પોંક સાથે ખાવામાં આવતા પોંક વડા અને સેવમાં મોટા પાયે ભેળસેળ કરતા હોવાની ફરિયાદો ઉઠી છે. કેટલાક વેપારીઓ નાળિયેર તેલ કે કપાસિયા તેલને બદલે મોટા પ્રમાણમાં પામોલિન કે ભેળસેળયુક્ત તેલનો ઉપયોગ કરી રહ્યા છે.
કેટલાક વેપારીઓ દાળને બદલે હલકી ગુણવત્તાના ખમણના ભુકાનો ઉપયોગ કરી પોંક વડામાં મોટા પાયે ભેળસેળ કરી રહ્યા હોવાની લોકો ફરિયાદ કરી રહ્યા છે. આ ઉપરાંત પોંકની જગ્યાએ બાફેલા જુવાર, ડુંગળી અને ગરમ મસાલાનો ઉપયોગ કરવામાં આવી રહ્યો છે અને સુગંધ માટે બદીયાના ફૂલોનો ઉપયોગ કરવામાં આવી રહ્યો છે, લીંબુને બદલે લીંબુના ફૂલનો ઉપયોગ કરવામાં આવી રહ્યો છે. પોંક ખાવા માટે લીંબુ મરી સેવ અને લસણની સેવ વપરાય છે. લીંબુ મરી સેવમાં, લીંબુને બદલે લીંબુના ફૂલ ઉમેરવામાં આવે છે, મરીને બદલે સફેદ મરચાના ટુકડા ઉમેરવામાં આવે છે. આ ઉપરાંત લાલ સેવ, સાદી સેવ સહિતની સેવ બનાવવામાં ચણાના લોટની સાથે ચણાનો લોટ કે ચોખાનો લોટ ઉમેરવામાં આવી રહ્યો છે અને તળવા માટે પામોલિન અથવા હલકી ગુણવત્તાના તેલનો ઉપયોગ કરવામાં આવી રહ્યો છે.
વધુ નફો મેળવવા માટે, કેટલાક વેપારીઓ પોંક સાથે ખોરાકમાં એવી રીતે ભેળવે છે કે ગ્રાહકો જલ્દી સમજી શકતા નથી. લોકો આવી વસ્તુઓ ખાય છે અને કહે છે કે પહેલા જેવો ટેસ્ટ નથી રહ્યો. આવા વેપારીઓ સામે સત્વરે કાર્યવાહી કરવામાં આવે તેવી ખાદ્યપ્રેમીઓ માંગ કરી રહ્યા છે.