ગાંધીનગર અકસ્માત: ગાંધીનગરમાં મંગળવારે (10 માર્ચ) એક અકસ્માત થયો હતો. ઈન્દ્રોડા ગામમાં કટ પાસે રોડ પર મુકેલા બેરિકેડ સાથે મોપેડ અથડાતા સુદાનના એક યુવકનું મોત નીપજ્યું હતું. પોલીસની પ્રાથમિક તપાસમાં મૃતક યુવક વિદ્યાર્થી હોવાનું બહાર આવ્યું છે.
બેરિકેડ સાથે જોરદાર અથડામણ
મળતી માહિતી મુજબ મૂળ સુદાનનો આ યુવક મોપેડ પર ત્યાંથી પસાર થઈ રહ્યો હતો. તેમની મોપેડ ઈન્દ્રોડા ગામના કટ પાસે રોડ પર સુરક્ષા અને ટ્રાફિક નિયમન માટે મુકવામાં આવેલ બેરીકેટ સાથે અથડાઈ હતી. ટક્કર એટલી જોરદાર હતી કે યુવક મોપેડ પરથી પટકાયો હતો અને રોડ પર પડ્યો હતો. યુવકને માથાના ભાગે ગંભીર ઈજાઓ થઈ હતી, જેના કારણે તેનું ઘટનાસ્થળે જ મોત નીપજ્યું હતું.
આ પણ વાંચો: છોટા ઉદેપુર: સ્થાનિક સ્વરાજની ચૂંટણી લડવાની છે, 2100 થી વધુ EVM અને બેલેટ યુનિટની ચકાસણી પૂર્ણ
ખાનગી યુનિવર્સિટીના વિદ્યાર્થી હોવાની શક્યતા
ઘટનાની જાણ થતાં જ ગાંધીનગર પોલીસનો કાફલો ઘટનાસ્થળે દોડી ગયો હતો. પોલીસની પ્રાથમિક તપાસમાં મૃતક યુવક સુદાનનો નાગરિક હોવાનું બહાર આવ્યું છે. તે ગાંધીનગરની જ ખાનગી યુનિવર્સિટીમાં અભ્યાસ કરતો હોવાની પ્રબળ શક્યતા છે. પોલીસે હવે યુવકની ઓળખ કરવા અને તે કઈ શૈક્ષણિક સંસ્થા સાથે જોડાયેલો છે તેની તપાસ તેજ કરી છે. મૃતદેહને પોસ્ટમોર્ટમ માટે હોસ્પિટલ ખસેડવામાં આવ્યો છે અને અકસ્માતનો ગુનો નોંધી વધુ તપાસ હાથ ધરી છે.