અમદાવાદ, મંગળવાર
નિકોલમાં બનેલી હિટ એન્ડ રનની ઘટનામાં એક યુવકે જીવ ગુમાવ્યો હતો, જેમાં આ યુવક ભક્તિ સર્કલથી નિકોલ ચોકડી તરફના રિંગ રોડ પર પસાર થઈ રહ્યો હતો ત્યારે પૂરપાટ ઝડપે આવી રહેલા અજાણ્યા વાહન ચાલકે તેને ટક્કર મારતાં તેને બેભાન હાલતમાં સિવિલ હોસ્પિટલમાં સારવાર માટે દાખલ કરાયો હતો. જ્યાં એક સપ્તાહની સારવાર દરમિયાન તેનું મોત થયું હતું. આ બનાવ સંદર્ભે ટ્રાફિક I ડિવિઝન પોલીસે ગુનો નોંધી સીસીટીવી ફૂટેજના આધારે વધુ તપાસ હાથ ધરી છે.
બેભાન અવસ્થામાં સાત દિવસની સારવાર દરમિયાન મોત થયું હતું. આ બનાવ અંગે ટ્રાફિક પોલીસે સીસીટીવી ફૂટેજના આધારે વધુ તપાસ હાથ ધરી છે
09-02-26ના રોજ નિકોલમાં રહેતો યુવક તેનું બાઇક લઇને નિકોલ ભક્તિ સર્કલથી રિંગરોડ પર એક્સિસ બેંકની સામે નિકોલ ચોકડી તરફ જતો હતો. આ સમયે કોઈ અજાણ્યા વાહન ચાલકે પોતાનું વાહન બેદરકારી અને બેદરકારીથી પૂરપાટ ઝડપે હંકારીને પોતાના અને અન્યના જીવ જોખમાય તે રીતે હંકારી મુકી યુવકની બાઇકને ટક્કર મારતાં ચાલક ભાગી ગયો હતો.
વાહનની ટક્કરથી યુવક નીચે પટકાયો હતો અને તેને માથા અને શરીરે ગંભીર ઈજાઓ પહોંચી હતી. સિવિલ હોસ્પિટલમાં સાત દિવસની સારવાર દરમિયાન ગઈકાલે તેનું મોત નીપજ્યું હતું.