ઉત્તરાયણ 2026: અમદાવાદમાં વહેલી સવારથી પવન ન હોવા છતાં પતંગ રસિકોએ ધાબા પર ચડીને ખાવા-પીવાની મજા માણી હતી. ઉત્તરાયણમાં બપોર બાદ પવન ફૂંકાતા વાતાવરણમાં ઠંડક પ્રસરી હતી, પરંતુ અમદાવાદના મોટાભાગના વિસ્તારોમાં સાંજે ફટાકડા ફોડવામાં આવ્યા હતા. તો ઉત્તરાયણમાં દિવાળી જેવો માહોલ જોવા મળ્યો હતો, શહેરનું આકાશ રંગબેરંગી આતશબાજીથી ગુંજી ઉઠ્યું હતું.
ફટાકડા, ગરબા અને ડાન્સની મજા
લોકોએ સ્કાય શોટ સહિત અનેક ફટાકડા ફોડ્યા. કેટલાકે કોળીઓ બાળી તો કેટલાકે ગરબા નાચ્યા અને ઉત્તરાયણ પર્વને વિદાય આપી, જોકે ઉત્તરાયણના બીજા દિવસે પણ વાસી ઉત્તરાયણની પ્રથા જોવા મળતી હોવાથી આવતીકાલે પવન સાનુકૂળ રહેશે તેવી આશા પતંગ રસિકો સેવી રહ્યા છે.
પતંગને બદલે ખાવા-પીવાની મજા માણો
આકાશમાં પેચ લડાવવા આતુર શહેરવાસીઓને આજે ઉત્તરાયણના દિવસે પવનની ગતિએ સાથ આપ્યો ન હતો, પરંતુ ઉત્સાહમાં કોઈ કમી જોવા મળી ન હતી. એકતા ગજેરાએ તેમના અનુભવ વિશે જણાવ્યું કે, ‘તેઓ સવારથી અગાશી પર આવ્યા હોવા છતાં પવનના અભાવે તેઓ નિસ્તેજ અનુભવે છે અને આ વખતે ઉત્તરાયણ પહેલા જેવું નથી લાગતું. પતંગ ઉડાડતી ન હોવાથી મિત્રોએ મસાલા ઉંધી, જલેબી અને ફ્રુટ સલાડ જેવી વાનગીઓ ખાઈને મજા કરી હતી.
અમદાવાદના વાતાવરણથી પતંગબાજો સંતુષ્ટ છે
અમદાવાદના ઉત્તરાયણ વિશે અંકુર કુંડલિયાએ જણાવ્યું કે, ‘સવારથી પવન થોડો ઓછો હતો, પરંતુ અમદાવાદની ઉત્તરાયણ હોવાથી ખૂબ જ મજા આવી. પવનની ગતિ ઓછી હોવાને કારણે ગત વર્ષ કરતાં આકાશમાં પતંગોની સંખ્યા ઓછી છે, પરંતુ આ તહેવારના વાતાવરણથી હું સંતુષ્ટ છું.’
આ પણ વાંચોઃ આજે રાત્રે સૂર્ય મકર રાશિમાં પ્રવેશ કરશે! આ 4 રાશિઓનો સુવર્ણ સમય શરૂ થાય છે
વાસી ઉત્તરાયણ પર પવનની આશા
પવન વિશે વાત કરતાં અલકા કુંડલિયાએ કહ્યું કે, ‘આજે પવન સામાન્ય દિવસો કરતાં ઓછો હતો, જેના કારણે આકાશમાં અપેક્ષા મુજબ પતંગો ઉડ્યા ન હતા. આશા છે કે વાસી ઉત્તરાયણમાં સારો પવન રહેશે.’