અહેમદ પટેલ પુત્ર ફૈઝલ પટેલ કોંગ્રેસના દિગ્ગજ નેતા અને ગાંધી પરિવારના ખૂબ જ નજીકના ગણાતા અહેમદ પટેલના પુત્ર ફૈઝલ પટેલે સોશિયલ મીડિયા પર જઈને કોંગ્રેસથી અલગ થયા બાદ ‘નવું જૂથ’ બનાવવાની વાત કરી હતી. જોકે, હવે ફૈઝલે પલટવાર કર્યો છે અને કહ્યું છે કે, ‘મેં હવે નવી પાર્ટી નહીં બનાવવાનો નિર્ણય કર્યો છે.’
શું છે સમગ્ર મામલો?
ફૈઝલ પટેલની એક પોસ્ટનો સ્ક્રીનશોટ સોશિયલ મીડિયા પર ઝડપથી વાયરલ થઈ રહ્યો છે. આ પોસ્ટમાં ફૈઝલે લખ્યું, ‘હું કોંગ્રેસ પાર્ટીથી અલગ થઈને એક નવું ગ્રુપ બનાવવાની યોજના બનાવી રહ્યો છું, જેનું નામ ‘કોંગ્રેસ (એપી)’ હશે. મારી બહેન મુમતાઝ પટેલ પણ આ ગ્રુપમાં જોડાઈ શકે છે.’
આ પણ વાંચોઃ હું કોંગ્રેસથી અલગ થઈને અલગ જૂથ બનાવવા માંગુ છું, અહેમદ પટેલના પુત્રની પોસ્ટથી રાજકીય ગરમાવો ફેલાયો
કોંગ્રેસ સાથે સંબંધ તોડીને અલગ જૂથ બનાવવાની વાત સોશિયલ મીડિયા પર પોસ્ટ કરનાર ફૈઝલે પલટવાર કર્યો છે. ફૈઝલે કહ્યું, ‘હું હવે નવી પાર્ટી નહીં બનાવીશ. સમર્થકો ઇચ્છતા હતા પરંતુ વિભાજન વાજબી નહીં હોય. લોકોને શું જોઈએ છે તે જાણવા માટે પોસ્ટ કરવામાં આવ્યું છે. ગત લોકસભા ચૂંટણીમાં કોંગ્રેસની ટિકિટ કપાયા બાદ ઘણા કાર્યકરો કોંગ્રેસ છોડીને AAP અને BJPમાં જોડાયા હતા. ફૈઝલે કહ્યું, ‘કાર્યકર્તાઓ ઈચ્છે છે કે અહેમદ પટેલનો પરિવાર ચૂંટણી લડે. હું કોંગ્રેસ પાર્ટીમાં છું.’