– તળાવમાં નહાવાનું કહ્યું

– સરપંચ સહિત પાંચ વ્યક્તિઓ સામે ગુનો નોંધવામાં આવ્યો છે

સુરેન્દ્રનગર: ચોટીલા તાલુકાના નવા ગામમાં તળાવમાં ન્હાવા ગયેલા નવાગામના બે લોકોને નવાગામના સરપંચ સહિત પાંચ શખ્સોએ માર માર્યો હતો. ચોટીલા પોલીસે ગુનો નોંધી તપાસ હાથ ધરી છે.

નવાગામમાં રહેતા વિજયભાઈ રૂપાભાઈ કુંટીયા અને તેનો કૌટુંબિક ભાઈ નાવા ગામે આવેલ તળાવમાં ન્હાવા ગયા હતા. દરમિયાન નાવા ગામના સરપંચ લાભુભાઈ દેવાભાઈ આઘારા ત્યાં આવ્યા હતા અને બહારગામથી આવેલા લોકોએ અહીં નાહવા આવશો નહીં તેમ કહી અપશબ્દો બોલ્યા હતા.

બાદમાં સરપંચ લાભુભાઇ, કાનજીભાઇ દેવાભાઇ આઘારા, મનજીભાઇ દેવાભાઇ આઘારા, ડાયાભાઇ દેવાભાઇ આઘારા અને દિપકભાઇ ડાયાભાઇ આઘારાએ અપશબ્દો બોલી પથ્થરો વડે માર માર્યો હતો.

વિજયભાઈને ઈજાઓ થતા સારવાર માટે ચોટીલા સરકારી દવાખાને લઈ જવાયા હતા. આ અંગે ચોટીલા પોલીસે પાંચ શખ્સો સામે ગુનો નોંધી વધુ તપાસ હાથ ધરી છે.