અમદાવાદ,
ગુરુવાર

શહેરના વૈષ્ણોદેવી સર્કલ પાસેના એપાર્ટમેન્ટમાં રહેતા યુવકના પિતાનો ફેસબુક પર ટ્રેડિંગ મેસેજ જોઈને યુવકે ઓનલાઈન ટ્રેડિંગમાં મળતી ટીપ્સ પર વિશ્વાસ કર્યો અને 87 લાખની રકમનું રોકાણ કર્યું. યુવકને ખ્યાલ આવ્યો કે ઉપાડ માટે અરજી કરતી વખતે 10 લાખ રૂપિયા ટેક્સ જમા કરાવવાનું કહીને તેની સાથે છેતરપિંડી કરવામાં આવી છે. આ અંગે તેણે સાયબર ક્રાઈમ સેલમાં ફરિયાદ નોંધાવતા પોલીસે તપાસ શરૂ કરી છે. શહેરમાં નિરમા યુનિવર્સિટી પાછળ પેસિફિકા રિફ્લેક્શન એપાર્ટમેન્ટમાં રહેતો 25 વર્ષીય મીત ઠક્કર તેના પિતાને બિઝનેસમાં મદદ કરે છે. ગયા માર્ચ-2024માં મીતના પિતાના ફેસબુક પર એક જાહેરાત આવી હતી જેમાં શેરબજારમાં ટ્રેડિંગની ટિપ્સ આપવામાં આવી હતી. જેથી તેને વોટ્સએપ ગૃપમાં એડ કરી જાહેરાતમાં દર્શાવેલ મોબાઈલ નંબર પર ફોન કરીને માહિતી મેળવી હતી. જેમાં વિવિધ ટિપ્સ આપવામાં આવી હતી. જેમાં તેને નફો થતો હોવાથી તેણે માની લીધું અને લોગ ઇન આઇડી બનાવીને કુલ 88 લાખનું રોકાણ કર્યું. મીત પાસે ID 90 લાખનું બેલેન્સ હોવાથી તેણે પૈસા ઉપાડવા માટે અરજી કરી હતી. પણ,
પૈસા પાછા મેળવવા માટે તેણે 10 લાખના ટેક્સની માંગણી કરી હતી. આ કારણે મીતને શંકા ગઈ અને જ્યારે તેને ખબર પડી કે તેની સાથે છેતરપિંડી થઈ છે ત્યારે તેણે સાયબર ક્રાઈમમાં ફરિયાદ નોંધાવતા પોલીસે તપાસ શરૂ કરી છે.