AMC ડમ્પર ટ્રાફિક પોલીસ કૂલિંગ શેડ સાથે અથડાયું: અમદાવાદ શહેરના નિરાંત ચોકડી વિસ્તારમાં આજે (28 મે) એક અકસ્માત સર્જાયો હતો. આ ઘટનામાં AMC (અમદાવાદ મ્યુનિસિપલ કોર્પોરેશન)ના ડમ્પરને કારણે ટ્રાફિક પોલીસ દ્વારા બનાવવામાં આવેલો શેડ અચાનક તૂટી પડ્યો હતો. આ શેડ ખાસ કરીને ટ્રાફિક પોલીસ કર્મચારીઓ અને રાહદારીઓને ઉનાળાની ગરમીમાં રાહત આપવા માટે બનાવવામાં આવ્યો હતો. આ અકસ્માતમાં કોઈ મોટી જાનહાનિ થઈ ન હતી.
નિરાંત ચોકડી પાસે AMC ડમ્પર દ્વારા ટ્રાફિક પોલીસનો શેડ તૂટી પડ્યો હતો
પ્રાપ્ત માહિતી અનુસાર, AMC ડમ્પર ત્યાંથી પસાર થતાં શેડના સ્ટ્રક્ચરને અથડાતાં આખો શેડ તૂટી પડ્યો હતો. ઘટના સમયે આસપાસ લોકો અને વાહનોની અવરજવર હતી, જેના કારણે એક વાહનને નુકસાન થયું હોવાના અહેવાલ છે.
સદનસીબે આ ઘટનામાં કોઈ મોટી જાનહાની કે ગંભીર ઈજાઓ થઈ ન હતી. સ્થાનિકોના જણાવ્યા અનુસાર જો આ ઘટના અગાઉ બની હોત અથવા તો ટ્રાફિક ભારે હોત તો મોટી દુર્ઘટના બની શકી હોત.
આ પણ વાંચો: સુભાષ બ્રિજનું સમારકામ ટ્રાફિક ફેરફારો: શેડ્યૂલ રિવરફ્રન્ટ રૂટ બંધ, વૈકલ્પિક રૂટ જાણો
ઘટના બાદ ટ્રાફિક પોલીસ અને સ્થાનિક અધિકારીઓ તાત્કાલિક ઘટનાસ્થળે પહોંચી ગયા હતા અને રસ્તા પરથી અવરોધ દૂર કર્યો હતો. આ ઘટના બાદ શેડની સુરક્ષા અને વાહનોની અવરજવરને લઈને અનેક સવાલો ઉભા થયા છે. સ્થાનિક નાગરિકોએ તંત્ર પાસે આવી ઘટનાઓ ફરીથી ન બને તે માટે યોગ્ય સુરક્ષા અને મોનિટરિંગ વધારવા માંગ કરી છે
.