ગુજરાતમાં વીજ ઉત્પાદનમાં વધારોઃ હાલમાં, સમગ્ર ભારતમાં રિન્યુએબલ એનર્જીને પ્રોત્સાહન આપવામાં આવી રહ્યું છે. જ્યારે સરકાર સૌર છત પર પણ સબસિડી આપી રહી છે, ત્યારે ભારતમાં 2030 સુધીમાં 500 GW નોન-ફોસિલ ઇંધણ આધારિત ક્ષમતા સુધી પહોંચવાનો લક્ષ્યાંક ગુજરાતમાં પૂરજોશમાં છે. જેમાં સોલાર રૂફટોપ, હાઇડ્રો પાવર પ્રોજેક્ટ અને રિન્યુએબલ એનર્જી પાર્ક રાજ્યમાં રિન્યુએબલ એનર્જી ઉત્પાદનને વેગ આપી રહ્યા છે. દરમિયાન, ચોમાસાની ઋતુમાં ગુજરાતમાં સારો વરસાદ પડે છે ત્યારે ગુજરાતમાં ડેમ ઓવરફ્લો થતા હાઈડ્રો પાવર સ્ટેશન પણ વિક્રમી વીજળીનું ઉત્પાદન કરી રહ્યું છે. જેમાં ગુજરાતના ઉકાઈ, કડાણા, પાનમ અને સરદાર સરોવર ડેમમાંથી ઓગસ્ટ 2024માં 1067.3 મિલિયન યુનિટ (MU) વીજળીનું ઉત્પાદન કરવામાં આવ્યું છે. જ્યારે જુલાઈમાં વીજ ઉત્પાદન 308.7 મિલિયન યુનિટે પહોંચ્યું છે.
આ પણ વાંચોઃ ચંદ્ર પર બનાવવામાં આવશે પરમાણુ પાવર પ્લાન્ટ! રશિયા, ભારત અને ચીન રચશે ઈતિહાસ, જાણો પ્રોજેક્ટની ખાસિયતો
સરદાર સરોવર ડેમમાંથી 800 મિલિયન યુનિટ વીજ ઉત્પાદન
ઓગસ્ટ મહિનામાં સરદાર સરોવર ડેમમાંથી 800 મિલિયન યુનિટ વીજળીનું ઉત્પાદન થયું છે. જેમાં સરદાર સરોવર (RBPH) અને સરદાર સરોવર (CHPH)માંથી ઓગસ્ટ મહિનામાં કુલ 891 MU વીજળીનું ઉત્પાદન કરવામાં આવ્યું છે. રાજ્યના અન્ય હાઇડ્રો પાવર પ્લાન્ટમાંથી વીજ ઉત્પાદનમાં પણ નોંધપાત્ર વધારો થયો છે.
હાઇડ્રો પ્લાન્ટમાં વીજ ઉત્પાદન
છેલ્લા પાંચ વર્ષમાં સરેરાશ ઉત્પાદન 4600 MU
2019 થી 2024 દરમિયાન રાજ્યમાં સરેરાશ હાઇડ્રો પાવર ઉત્પાદન 4600 MU છે. જેમાં ઉકાઈ, કડાણા, પાનમ અને સરદાર સરોવર ડેમમાંથી છેલ્લા પાંચ વર્ષમાં સરેરાશ 4600 એમયુ ઉત્પાદન જોવા મળ્યું છે. જ્યારે 2022-23માં રાજ્યનું કુલ હાઇડ્રો પાવર ઉત્પાદન 6170.456 MU હતું, જે 2021-22ના 2629.059 MU કરતાં 134 ટકા વધુ છે. વર્ષ 2023-24માં રાજ્યનું કુલ હાઇડ્રો પાવર ઉત્પાદન 4584.932 MU છે. રાજ્યમાં પુનઃપ્રાપ્ય ઊર્જાના વિકાસ માટે પ્રોત્સાહક પ્રદાન કરતી નવીનીકરણીય ઉર્જા અંગેની નીતિઓ જારી કરનાર ગુજરાત દેશનું પ્રથમ રાજ્ય છે.