સુરત શિક્ષણ સમિતિ: સુરત નગર પ્રાથમિક શિક્ષણ સમિતિ શૈક્ષણિક કાર્ય સિવાયની વિવિધ પ્રવૃત્તિઓથી ભરેલી છે. શૈક્ષણિક સત્ર શરૂ થયાને માંડ અઢી માસ જેટલો સમય થયો છે કે સુરત શિક્ષણ સમિતિ શૈક્ષણિક કાર્ય સિવાયની વિવિધ પ્રવૃત્તિઓમાં વ્યસ્ત છે. જેના કારણે વિદ્યાર્થીઓ-શિક્ષકો આ અન્ય પ્રવૃત્તિમાં વ્યસ્ત જોવા મળે છે. વિવિધ પ્રવૃતિઓના આંકડા ભરવામાં શિક્ષકો ઉંચા આવતા ન હોવાથી સમિતિનું શિક્ષણ નબળું હોવાની ફરિયાદ ઉઠી છે અને તેથી શિક્ષણ માટે પૂરતો સમય આપી શકતા નથી. આ ઉપરાંત દરેક પ્રવૃતિ કરવા સાથે વિવિધ જગ્યાએ ફોટોગ્રાફ, વિડિયોગ્રાફી અને ફોટા અપલોડ કરવાની સૂચના હોવાથી કેટલાક લોકો એવો પણ આક્ષેપ કરે છે કે આ સુરતની શિક્ષણ સમિતિ છે કે ઈવેન્ટ મેનેજમેન્ટ કંપની?
સુરત નગર પ્રાથમિક શિક્ષણ સમિતિ 960 કરોડથી વધુનું બજેટ ધરાવે છે અને દરેક વિદ્યાર્થી પાછળ 35 હજારથી વધુનો ખર્ચ કરે છે જે ખાનગી શાળાઓ કરતા ઘણો વધારે છે. જો કે નગર પ્રાથમિક શિક્ષણ સમિતિના શિક્ષણ સ્તર સામે અનેક વખત સવાલો ઉઠી રહ્યા છે. તેની પાછળ શિક્ષકોની કૌશલ્ય કે વિદ્યાર્થીઓનો ઉત્સાહ નથી, પરંતુ સરકાર અને શાસકો દ્વારા ઉજવાતા કાર્યક્રમોના ઢગલાથી શિક્ષકો ઉભરાતા નથી. સમિતિની શાળામાં સત્ર શરૂ થયાને માંડ બેથી અઢી માસ જેટલો સમય વીતી ગયો છે, જે પૂર્વે પ્રવેશોત્સવ, શિક્ષા સપ્તાહ, નારી વંદના કાર્યક્રમ, વિવિધ સ્પર્ધાઓ, વિવિધ રેલી સહિતના અનેક કાર્યક્રમો યોજાયા હતા.
આટલું જ નહીં પરંતુ આ તમામ કાર્યક્રમોમાં શિક્ષકો અને વિદ્યાર્થીઓ જોડાયા પછી જે પ્રવૃત્તિઓ થાય છે તેના ફોટોગ્રાફ લેવાનું અને સોશિયલ મીડિયામાં કે જ્યાં સૂચના મળે ત્યાં અપલોડ કરવાનું કામ પણ શિક્ષકોએ કરવાનું હોય છે. આ સિવાય દરરોજની હાજરી ઓનલાઈન કરવાની રહેશે. જેના કારણે શિક્ષકો ઈવેન્ટ મેનેજમેન્ટ, ઈવેન્ટ પ્લાનીંગ, ફોટોગ્રાફી, વિડીયોગ્રાફી જેવી પ્રવૃતિઓમાં વ્યસ્ત રહેતા હોય છે અને પછી સોશિયલ મીડિયા પર વાયરલ થતા હોય છે જેના કારણે વિદ્યાર્થીઓને ભણાવવા માટે સમય ઓછો મળતો હોવાથી શિક્ષણનું સ્તર નીચે જઈ રહ્યું હોવાનો આક્ષેપ કરવામાં આવે છે.
