– મોટા ગામોમાં ચાર અને નાના ગામોમાં બે બોર બનાવવામાં આવશે: આ બોર દ્વારા વરસાદી પાણી જમીનમાં જશે અને તેથી પાણીનું સ્તર વધશે.
સુરત
ભવિષ્યમાં પાણીની અછત ટાળવા માટે, જમીનમાં પાણીનું સ્તર સુધારવાની જરૂર છે. આ હેતુ માટે રેઈન વોટર હાર્વેસ્ટીંગ સિસ્ટમ અસરકારક સાબિત થઈ શકે તેમ હોવાથી આજની બેઠકમાં સુરત અને નવસારી જિલ્લાના 990 ગામોમાં વરસાદી પાણીનો સંગ્રહ કરવા માટે રેઈન હાર્વેસ્ટીંગ બોર બનાવવાનો નિર્ણય લેવાયો છે. જેમાં મોટા ગામોમાં ચાર અને નાના ગામોમાં બે બોર બનાવાશે.
આ વર્ષે મેઘરાજાએ દક્ષિણ ગુજરાતમાં સારો વરસાદ કર્યો છે. જો કે આ પાણી દરિયામાં વહી જાય છે. અને બીજી તરફ ભૂગર્ભજળનું સ્તર દિવસેને દિવસે નીચે જઈ રહ્યું છે. આ સ્તરને વધારવાના ભાગરૂપે સહારા દરવાજા સ્થિત APMC ખાતે પાણી પુરવઠા મંત્રી મુકેશ પટેલના નેતૃત્વમાં વરસાદી પાણીના સંગ્રહ અંગે સુરત-નવસારી જિલ્લાના પદાધિકારીઓ અને અધિકારીઓની બેઠક યોજાઈ હતી. બેઠકમાં મંત્રીએ ભવિષ્યમાં પાણીની અછત ટાળવા જણાવ્યું હતું, વરસાદી પાણીનો સંગ્રહ જમીનમાં પાણીના સ્તરને સુધારવા તેમજ વરસાદી પાણીનો સંગ્રહ કરવા માટે કરી શકાય છે. તેથી આ વર્ષે નવસારી જિલ્લાના 360 ગામો અને સુરત નગરપાલિકા વિસ્તારો અને ગ્રામ્ય વિસ્તારના 630 ગામો સહિત 990 ગામોમાં વરસાદી પાણીનો સંગ્રહ શરૂ કરવાનો નિર્ણય લેવાયો છે. જેમાં મોટા ગામોમાં ચાર જગ્યાઓ અને નાના ગામોમાં બે જગ્યા નક્કી કરી બોર બનાવવામાં આવશે. તેમણે વધુમાં જણાવ્યું કે ઓલપાડના 75 ગામોમાં વરસાદી પાણી સંગ્રહની પહેલથી આ ગામોમાં પાણીના સ્તરમાં સુધારો થયો છે. રાજ્ય સરકારે લગભગ 10,000 ડ્રાય બોર રિચાર્જ કરવાની મંજૂરી આપી દીધી છે.
આ બેઠકમાં જિલ્લા કલેકટર ડો.સૌરભ પારધીએ જણાવ્યું હતું કે, વરસાદી પાણીના સંગ્રહ માટેના કેચ ધ રેઈન કાર્યક્રમમાંથી પ્રેરણા લઈને વરસાદી પાણીને જમીનમાં જવા દેવા અને પાણીને દરિયામાં વહી જતું અટકાવવા લોકોને જાગૃત કરવા જરૂરી છે. બેઠકમાં આગામી દિવસોમાં કયા બોર બનાવવાના છે તેની વિગતો પૂછવામાં આવી હતી.
