વડોદરા, 8મીએ વડોદરામાં આજે સિઝનનું સૌથી વધુ 39.4 ડિગ્રી તાપમાન નોંધાયું હતું. આજે મહત્તમ તાપમાન સાથે આકરી ગરમીનો પ્રારંભ થયો છે. બપોર બાદ રસ્તાઓ પણ ઓગળવા લાગ્યા હતા.
માર્ચ મહિનાની શરૂઆત સાથે જ તાપમાનમાં વધારો થવા લાગ્યો છે. હોળી બાદ તાપમાનમાં એકાએક વધારો નોંધાયો છે. ધૂળેટીના દિવસે તાપમાન 38 ડિગ્રી નોંધાયા બાદ આજે ફરી તાપમાન 38 ડિગ્રીએ પહોંચી જતાં આજે ગરમીનો પારો સિઝનનું સૌથી ઉંચુ તાપમાન નોંધાયું છે. ભારે ગરમીના કારણે લોકો હવે બપોરના સમયે બહાર જવાનું ટાળી રહ્યા છે.
હવામાન વિભાગના જણાવ્યા અનુસાર વડોદરામાં આજે તાપમાન 1.4 ડિગ્રી વધીને 39.4 ડિગ્રી થયું હતું, જ્યારે લઘુત્તમ તાપમાન પણ 0.2 ડિગ્રી વધીને 18.2 ડિગ્રી થયું હતું. આ ઉપરાંત હવામાં ભેજનું પ્રમાણ સવારે 60 ટકા અને સાંજે 21 ટકા રહ્યું હતું. જ્યારે પશ્ચિમી પવનની ઝડપ 3 કિ.મી. પ્રતિ કલાક નોંધવામાં આવે છે. હવામાન વિભાગે જણાવ્યું હતું કે આવતીકાલે અને આગામી બે દિવસ પણ તાપમાન 39 ડિગ્રીની આસપાસ રહેશે.