અમદાવાદ સમાચાર:અમદાવાદ જિલ્લાના ધોળકા-બગોદરા હાઈવે પર આજે વહેલી સવારે એક જીવલેણ અકસ્માત સર્જાયો હતો. આ કરૂણ અકસ્માતમાં પતિ-પત્ની અને તેમના વહાલા પુત્રનું ઘટનાસ્થળે જ કમકમાટીભર્યું મોત નીપજતાં સમગ્ર પંથકમાં શોક છવાઈ ગયો હતો. અકસ્માત એટલો ભયાનક હતો કે વાહનનો તુટી ગયો હતો. મૃતદેહોને બહાર કાઢવા માટે ઘણી મહેનત કરવી પડી હતી.
કેવી રીતે થયો અકસ્માત?
મળતી માહિતી મુજબ, ધોળકા-બગોદરા હાઈવે પર પસાર થઈ રહેલી આઈસર ટ્રકના ચાલકે આગળ જઈ રહેલા અજાણ્યા વાહનની પાછળ ટ્રકને ટક્કર મારી હતી. અકસ્માત સમયે ટ્રકની સ્પીડ એટલી પ્રચંડ હતી કે ટ્રકનો આગળનો છેડો સંપૂર્ણ કચડાઈ ગયો હતો. ટ્રકમાં બેઠેલા પરિવારને કંઈ ખબર પડે તે પહેલા સમયનો પંજો તેમના પર ફરી વળ્યો હતો. અકસ્માત સર્જી અજાણ્યો વાહન ચાલક પોતાનું વાહન લઈને ફરાર થઈ ગયો હતો.
આ પણ વાંચોઃ સાણંદમાં હાઈ-પ્રોફાઈલ પાર્ટી પર પોલીસે દરોડો પાડ્યો, હુક્કા અને દારૂની મજા માણતા 80 યુવકોની ધરપકડ
એક જ પરિવારના ત્રણ સભ્યોનો માળો વિખેરાઈ ગયો હતો
અકસ્માતમાં ટ્રકમાં સવાર પતિ-પત્ની અને તેમના પુત્રનું ગંભીર ઇજાઓ થતાં ઘટના સ્થળે જ કમકમાટીભર્યું મોત નીપજ્યું હતું. સ્થાનિક રાહદારીઓએ તાત્કાલિક 108 અને પોલીસને જાણ કરી હતી. 108ની ટીમે ઘટના સ્થળે પહોંચીને ત્રણેય સભ્યોને મૃત જાહેર કર્યા હતા. જ્યારે ઈજાગ્રસ્ત આઈસર ચાલકને પ્રાથમિક સારવાર આપી વધુ સારવાર માટે અમદાવાદની સોલા સિવિલ હોસ્પિટલમાં ખસેડવામાં આવ્યો હતો.
પોલીસ કાર્યવાહી અને તપાસ
બનાવની જાણ થતા જ ધોળકા પોલીસ કાફલો ઘટના સ્થળે દોડી ગયો હતો. પોલીસે મૃતકોના મૃતદેહને પોસ્ટમોર્ટમ (પીએમ) માટે ધોળકા આરોગ્ય કેન્દ્ર ખાતે ખસેડ્યો છે. ઉપરાંત પોલીસ પણ એક્શનમાં આવી હતી. સમગ્ર મામલાની તપાસ કરવામાં આવી હતી. અકસ્માત સર્જીને નાસી છૂટેલા અજાણ્યા વાહન ચાલકને શોધવા માટે પોલીસે હાઈવે પરના સીસીટીવી ફૂટેજ ચેક કરવાનો પ્રયાસ કર્યો છે. અકસ્માતના કારણે હાઈવે પર થોડીવાર માટે ટ્રાફિક જામ થઈ ગયો હતો, પરંતુ પોલીસે ક્રેઈન વડે ફસાયેલા વાહનને હટાવી રસ્તો સાફ કરાવ્યો હતો.
