સાબરકાંઠા સમાચાર: સાબરકાંઠા જિલ્લાના હિંમતનગર નજીકના બળવંતપુરા ગામ પાસે એક સમુદાયના બે જૂથો વચ્ચે અથડામણ થઈ હતી. જેના કારણે તંગદિલીનો માહોલ સર્જાયો હતો. પ્રાથમિક તપાસમાં સામાજીક રીતિ-રિવાજ અને લગ્નની અદાવતના કારણે અથડામણ થઈ હોવાનું બહાર આવ્યું છે.
જીવાપુર ગામના લોકો દ્વારા પથ્થરમારો
મળતી માહિતી મુજબ હિંમતનગરના જીવાપુર ગામના ઓડ સમાજના લોકોએ બીજા જૂથ પર હુમલો કર્યો હતો. આ હુમલામાં બંને પક્ષે પથ્થરમારો સામેલ હતો, જેનું મૂળ કારણ લગ્નની આસપાસના સામાજિક રિવાજો અંગેનો વિવાદ હોવાનું જણાય છે. પથ્થરમારાની આ ઘટનામાં એક બાળકી ઘાયલ થઈ છે. જ્યારે હુમલા દરમિયાન એક કારની બારીના કાચ પણ તૂટી ગયા હતા.
આ પણ વાંચોઃ વડોદરાના સ્પા સેન્ટરમાં યુવતીના અપહરણમાં નવો ઘટસ્ફોટ: છીનવી, બળાત્કાર અને વીડિયો બનાવ્યો
ઘટના સ્થળે પોલીસ, ઇજાગ્રસ્ત યુવતી હોસ્પિટલમાં
ઘટનાની જાણ થતાં જ પોલીસની ટીમ તાત્કાલિક બળવંતપુરા નજીક ઘટના સ્થળે પહોંચી હતી અને પરિસ્થિતિને કાબૂમાં લેવાના પ્રયાસો હાથ ધર્યા હતા. પથ્થરમારામાં ઇજાગ્રસ્ત યુવતીને તાત્કાલિક હિંમતનગર સિવિલ હોસ્પિટલમાં સારવાર અર્થે ખસેડવામાં આવી હતી. પોલીસ હાલમાં સમગ્ર મામલાની તપાસ કરી રહી છે કે કયા સામાજિક રિવાજ કે લગ્નને કારણે હિંસક અથડામણ થઈ હતી.