સુરત સમાચાર: સુરતના પાંડેસરા પોલીસ સ્ટેશનમાં ફરજ બજાવતા હેડ કોન્સ્ટેબલના આકસ્મિક મોતથી સમગ્ર પોલીસ સ્ટેશનમાં ગમગીની છવાઈ ગઈ છે. રવિવારે બપોરે ઘરેથી પોલીસ સ્ટેશન આવ્યો હતો. ત્યારબાદ છાતીમાં દુ:ખાવો ઉપડતા તેને હોસ્પિટલમાં લઈ જવામાં આવ્યો હતો, જ્યાં ટૂંકી સારવાર બાદ તેનું મોત નીપજ્યું હતું.
પ્રાપ્ત માહિતી અનુસાર પાંડેસરા પોલીસ સ્ટેશનમાં છેલ્લા ત્રણ વર્ષથી હેડ કોન્સ્ટેબલ તરીકે ફરજ બજાવતો પોલીસકર્મી રવિવારે બપોરે નોકરી પરથી ઘરે જમવા ગયો હતો. બાદમાં, પોલીસ સ્ટેશન પરત ફરતી વખતે, તેને અચાનક તેની છાતીમાં તીવ્ર દુખાવો થયો, જેના કારણે તે બેભાન થઈ ગયો.
ઘટનાની ગંભીરતાને ધ્યાનમાં લઈને તેને તાત્કાલિક નજીકની હોસ્પિટલમાં સારવાર માટે ખસેડવામાં આવ્યો હતો. જોકે, હોસ્પિટલમાં ટૂંકી સારવાર બાદ ફરજ પરના તબીબે તેને મૃત જાહેર કર્યો હતો. તબીબોએ પ્રાથમિક તારણોમાં હાર્ટ એટેકની આશંકા વ્યક્ત કરી છે.
આ દુઃખદ ઘટનાને કારણે ત્રણ માસુમ બાળકોએ પિતાનો પડછાયો ગુમાવી દેતા પરિવારમાં આભ તૂટી પડ્યું છે. તેમના અકાળે અવસાનથી પરિવારમાં ઘેરા શોકમાં ગરકાવ થઈ ગયો છે.
સ્વર્ગસ્થ હેડ કોન્સ્ટેબલને આજે ગાર્ડ ઓફ ઓનર આપવામાં આવશે. આ ઘટનાને પગલે સુરત પોલીસ વિભાગમાં શોકની લાગણી ફેલાઈ છે.
