ગુજરાતમાં દારૂની હેરાફેરી : હરિયાણાથી અમદાવાદ તરફ જતો દારૂનો મોટો જથ્થો ભરીને જતું ટેન્કર જિલ્લા પોલીસે જરોદ હાઇવે પરથી પકડી પાડી ચાલકની ધરપકડ કરી હતી.

પ્રાપ્ત માહિતી અનુસાર યુ.કે.પાર્સિંગનું ટેન્કર દારૂ ભરેલ છે અને ગોધરાથી વડોદરા તરફ આવી રહ્યું છે. આ બાતમીના આધારે જિલ્લા એલસીબીએ જરોદ હાઇવે પર વોચ ગોઠવી ટેન્કરને કોર્ડન કરીને અટકાવી હતી.

See also

Gujarat

ભારતના વિજય માટે વડોદરામાં હવન: કોંગ્રેસના કાર્યકરોએ રણમુક્તેશ્વર મહાદેવ મંદિરમાં કરી પ્રાર્થના | ટીમ ઈન્ડિયાની જીત માટે વડોદરાના રણમુક્તેશ્વર મંદિરમાં કોંગ્રેસના કાર્યકરોએ ખાસ હવન કર્યો

ટેન્કરમાં ચાલકનું નામ પૂછતાં તેણે તે દિલબાગસિંગ હરદિપસિંહ ભટ્ટી (રહે. હરિયાણા) હોવાનું જણાવ્યું હતું. બાદમાં પોલીસે તેને સાથે લઈ ટેન્કરનું ઢાંકણું ખોલાવતા તેમાંથી દારૂનો મોટો જથ્થો મળી આવ્યો હતો. ચાલકની પૂછપરછ કરતાં દારૂ ભરેલું ટેન્કર હરિયાણાના સોનુ જાંગડા નામના શખ્સે રોહતકથી રવડી જવાના હાઈવે પર આપ્યું હતું અને વડોદરા ગોલ્ડન ચોકમાં પહોંચતા પહેલા ફોન કરવાનું કહ્યું હતું. જેથી ગોધરાથી પસાર થઈને અમદાવાદ પહોંચીને ફોન કરવાની સલાહ આપવામાં આવી હતી.

પોલીસે ટેન્કરમાંથી રૂ.33,36,000ની કિંમતનો દારૂ અને રૂ.43,41,000નો મુદામાલ કબજે કરી ટેન્કર ચાલક દિલબાગસિંહ ભટ્ટીની ધરપકડ કરી દારૂ મોકલનાર શખ્સ સામે પ્રોહિબિશન હેઠળ ગુનો નોંધ્યો હતો.