દેશની સૌપ્રથમ ડીજીટલ વસ્તી ગણતરી સુરતથી આવતીકાલે સોમવારથી શરૂ થઈ રહી છે ડીજીટલ વસ્તીગણતરી માટેની પ્રી ટેસ્ટનો આજે પ્રારંભ થશે, ડીજીટલ વસ્તી ગણતરીનું લોન્ચીંગ પણ ડીજીટલ થશે અને ગુજરાતના મુખ્યમંત્રી આ કામગીરી ઓનલાઈન લોન્ચ કરશે.
વસ્તી ગણતરી હાથ ધરવા માટે ભારત સરકાર દ્વારા પ્રથમ વખત ટેકનોલોજીનો ઉપયોગ કરવામાં આવી રહ્યો છે. સિટી સર્વે બ્લોક રાજ્યના એકમાત્ર સુરત શહેર તરીકે અને તે પણ ડિજિટલ વસ્તી ગણતરી માટે સ્લમ વિસ્તાર તરીકે પસંદ કરવામાં આવ્યો છે. આ ઉપરાંત દેવગઢ બારિયાના 26 ગામો, મોરબીના ટંકારાના 25 ગામોમાંથી માત્ર ત્રણ વિસ્તારની પસંદગી કરવામાં આવી છે.
સુરતના સિટી સર્વે વોર્ડ નંબર 2 શહેરી વિસ્તારમાં એકમાત્ર પસંદ થયેલ છે. આ અંગે પ્રાપ્ત માહિતી અનુસાર આ સીટી સર્વે વોર્ડમાં આવતી મિલકતોનું ડીજીટલ મેપીંગ કરવામાં આવશે આ પહેલા અધિકારીઓ અને કર્મચારીઓને ડીજીટલ મેપ આપવામાં આવશે. સુરતમાં ડિજિટલ સેન્સસના પાયલોટ પ્રોજેક્ટ માટે સેન્ટ્રલ ચાર્જ ઓફિસર, સુપરવાઈઝર, ગણતરીકારને જવાબદારી સોંપવામાં આવી છે. આ સાથે નગરપાલિકાના વસ્તી ગણતરી વિભાગના 170 કર્મચારીઓના ઓર્ડર જારી કરવામાં આવ્યા છે.
આ કર્મચારીઓને પ્રિ-ટેસ્ટ કામગીરીમાં દિવાળીબાગ, સુરત અડાજણ ખાતે આવેલી શાળામાં ત્રણ દિવસ સુધી તાલીમ આપવામાં આવી હતી. આ તાલીમ બાદ વસ્તી ગણતરી માટે ઉપયોગમાં લેવાતું સોફ્ટવેર કર્મચારીઓના મોબાઈલ ફોનમાં પણ ડાઉનલોડ કરવામાં આવ્યું છે. નગરપાલિકાના 170 કર્મચારીઓએ ડિજિટલ વસ્તી ગણતરી માટે તૈયારી કરી લીધી છે. ડિજિટલ સેન્સસ પ્રી-ટેસ્ટ 2027ની લોન્ચિંગ ઇવેન્ટ આવતીકાલે સવારે 11:15 વાગ્યે રાખવામાં આવી છે. ગુજરાતના મુખ્યમંત્રી ભૂપેન્દ્ર પટેલ આ કાર્યક્રમને ડિજિટલ માધ્યમથી લોન્ચ કરશે.
આ ડીજીટલ વસ્તીગણતરી માટેની પ્રી-ટેસ્ટમાં ઘરોનું મેપીંગ, ઘરમાં વ્યક્તિઓની સંખ્યા, મકાનની ગણતરી, કેટલી સુવિધાઓ છે, વોશરૂમ, લાઇટીંગ વગેરે જેવી સુવિધાઓ છે કે કેમ તે સહિતની બાબતોનો સમાવેશ થાય છે. ડીજીટલ મેપીંગ, ડીજીટલ વસ્તી ગણતરી મોબાઈલ દ્વારા જ કરવામાં આવશે. કર્મચારીઓ વોર્ડ વિસ્તારમાં જઈને મોબાઈલ પર હાઉસ મેપિંગ કરશે અને તે કામ 30 નવેમ્બર સુધીમાં પૂર્ણ કરવાનું રહેશે.