ગુજરાતમાં રેડ એલર્ટ હાલમાં ગુજરાતમાં એક સાથે ત્રણ ચોમાસાની સિસ્ટમ સક્રિય છે. જેના કારણે દક્ષિણ ગુજરાતમાં ભારે વરસાદ પડી રહ્યો છે. હવે હવામાન વિભાગે આગામી પાંચ દિવસ સુધી વરસાદની આગાહી કરી છે. આવી સ્થિતિમાં આવતીકાલે દક્ષિણ ગુજરાત અને સૌરાષ્ટ્રમાં ભારે વરસાદ પડી શકે છે.

દક્ષિણ ગુજરાતમાં ભારેથી અતિભારે વરસાદ ચાલુ રહેશે. આ સાથે જ સૌરાષ્ટ્રમાં પણ મેઘરાજા જોરદાર વરસાદ વરસાવશે તેવી આગાહી હવામાન વિભાગ દ્વારા વ્યકત કરવામાં આવી છે.

માછીમારોને દરિયો ન ખેડવાની સૂચના

હવામાન વિભાગના નિયામકએ આગાહી કરતા જણાવ્યું હતું કે, માછીમારોને 20 જુલાઈ સુધી દરિયો ન ખેડવાની સૂચના આપવામાં આવી છે. એટલું જ નહીં, 18 જુલાઈના રોજ દરિયાકાંઠાના વિસ્તારોમાં જોરદાર પવન પણ ફૂંકાય તેવી શક્યતા છે. 65 કિમી પ્રતિ કલાક.

કયા જિલ્લામાં ભારેથી અતિભારે વરસાદ પડશે?

16 જુલાઈ:

આ દિવસે સુરત, નવસારી, વલસાડ, દમણ, દ્વારકા, પોરબંદર, જૂનાગઢ, રાજકોટમાં ભારે વરસાદનું રેડ એલર્ટ જાહેર કરવામાં આવ્યું છે. તાપી, ડાંગ, દાહોદ, છોટા ઉદેપુર, મોરબી, ભરૂચ, નર્મદા, સુરેન્દ્રનગર, જામનગર, ભાવનગર, અમરેલી, ગીર સોમનાથ, દીવ અને બોટાદમાં ઓરેન્જ એલર્ટ આપવામાં આવ્યું છે.

17 જુલાઈ:

ઓરેન્જ એલર્ટ: પોરબંદર, દ્વારકા, રાજકોટ, જૂનાગઢ, સુરત, નવસારી, વલસાડ, પંચમહાલ

18 જુલાઈ:

ઓરેન્જ એલર્ટ: પોરબંદર, દ્વારકા, જામનગર, રાજકોટ, જૂનાગઢ, સુરત, નવસારી, વલસાડ, નર્મદા