મોરબીના પરિવારનો આપઘાત : મોરબી શહેરના વસંત એપાર્ટમેન્ટમાં સામૂહિક આપઘાતની ઘટના પ્રકાશમાં આવી છે. હાર્ડવેરના વેપારીએ તેની પત્ની, પુત્ર સાથે ઘરના બેડરૂમ, લિવિંગ રૂમ અને રસોડામાં અલગ અલગ જગ્યાએ આત્મહત્યા કરી લેતા સનસનાટી ફેલાઈ ગઈ છે. બનાવની જાણ થતા પોલીસ કાફલો દોડી ગયો હતો. ઘટના સ્થળેથી એક સુસાઈડ નોટ પણ મળી આવી હતી. જેમાં કોઈ દોષિત નથી તેવું લખવામાં આવ્યું હતું, તેણે અંગત કારણોસર આત્મહત્યા કરી હોવાનો ઉલ્લેખ કરવામાં આવ્યો હતો. પોલીસે તમામ મૃતદેહોને પોસ્ટમોર્ટમ માટે હોસ્પિટલ મોકલી આગળની કાર્યવાહી હાથ ધરી છે.
પ્રાપ્ત વિગત મુજબ મોરબી શહેરના ચકીયા હનુમાન મંદિર સામે આવેલ રોયલ પેલેસ ફ્લેટમાં રહેતા હર્ષ હરેશ કાનાબાર, વેપારી હરેશભાઈ કાનાબાર, પત્ની વર્ષીબેન કાનાબાર અને પુત્ર હર્ષ હરેશ કાનાબારે કોઈ અંગત કારણોસર ગળેફાંસો ખાઈ આપઘાત કરી લીધો હતો. ત્રણેયએ ફ્લેટમાં બેડરૂમ, લિવિંગ રૂમ અને કિચન જેવી અલગ-અલગ જગ્યાએ એકબીજાનું ગળું દબાવી હત્યા કરી નાખી હતી.
આપઘાત પાછળનું ચોક્કસ કારણ હજુ સુધી જાણી શકાયું નથી પરંતુ ઘટનાસ્થળેથી એક સુસાઈડ નોટ મળી આવી છે. જેમાં લખ્યું હતું કે ‘કોઈ દોષિત નથી અને કોઈએ રડવું જોઈએ નહીં’ જીવનથી કંટાળીને અંગત કારણોસર આપઘાત કરી લીધો હતો. જોકે પોલીસને ઘટના ગંભીર લાગી અને ઘટનાસ્થળેથી સુસાઈડ નોટ કબજે કરી, વધુ તપાસ હાથ ધરી છે. હાલ તમામ મૃતદેહોને પોસ્ટમોર્ટમ માટે હોસ્પિટલ ખસેડવામાં આવ્યા છે.
