– જરીના ફેક્ટરીમાં કામ કરતા પરપ્રાંતિય યુવકો ટિફિન રાંધવાની તૈયારી કરી રહ્યા હતા, લીકેજ થતાં કરૂણાંતિકા સર્જાઈ
– પહેલા લોકોને લાગ્યું કે સિલિન્ડર ફાટ્યો છે: ત્રણ યુવકો બહાર બચી ગયા
સુરત, : બેંક ઓફ બરોડાની સામે આવેલ ક્રિષ્ના કોમ્પલેક્ષમાં એક રૂમમાં રહેતા અને સુરતના ફુલપાડા અશ્વનીકુમાર રોડ પર આવેલ જરીના ફેક્ટરીમાં કામ કરતા પરપ્રાંતિય યુવક આજે વહેલી સવારે ટિફિન રાંધવાની તૈયારી કરી રહ્યા હતા ત્યારે ગેસ લીકેજના કારણે એકઠા થયેલા ગેસમાં આગ લાગી હતી. હાજર સાત યુવાનો દાઝી ગયા હતા અને તેમને સ્મીર હોસ્પિટલ અને બાદમાં કિરણ હોસ્પિટલમાં સારવાર માટે ખસેડવામાં આવ્યા હતા જેમાં ચાર યુવાનોની હાલત નાજુક હોવાનું જાણવા મળ્યું છે.
બનાવ અંગે ફાયર બ્રિગેડના સૂત્રો અને સ્મીમેર હોસ્પિટલ પાસેથી મળેલી માહિતી મુજબ સુરતના ફુલપાડા અશ્વનીકુમાર રોડ પર બેંક ઓફ બરોડા સામે આવેલા ક્રિષ્ના કોમ્પ્લેક્સના બીજા માળે એક રૂમમાં કેટલાક પરપ્રાંતિય યુવકો ભાડેથી રહે છે અને જરીના કારખાનામાં કામ કરે છે. રસોઈ બનાવતી વખતે ગેસ લીકેજ થતાં એકઠા થયેલા ગેસના કારણે સ્પાર્ક થતાં આગ ફાટી નીકળી હતી. આગની લપેટમાં આવવાથી બચવા માટે 16 થી 29 વર્ષની વયના સાત યુવકો ત્યાં હાજર હતા.
