અમદાવાદ, શનિવાર
નરોડા પોલીસે શહેરના નરોડા મુઠીયા રીંગ રોડ પર આવેલા કોહિનૂર બિઝનેસ હબ કોમ્પ્લેક્ષમાં દરોડો પાડી જુગાર રમતા આઠ શખ્સોને ઝડપી લીધા હતા. જેમાં પોલીસે 92 હજારની રોકડ સહિત 23.48 લાખની રોકડ, આઠ મોબાઈલ ફોન અને પાંચ કારનો મુદ્દામાલ કબજે કર્યો છે.
સમગ્ર ઘટનાની વિગત એવી છે કે, પોલીસ ઈન્સ્પેક્ટર સી.વી.નાયકને બાતમી મળી હતી કે કોહિનૂર બિઝનેસ હબ નામના કોમ્પ્લેક્ષમાં આવેલી જેડી બ્રધર ડીજે સાઉન્ડની ઓફિસમાં દિપલ સિદ્ધપુરા (રહે. મનહરનગર સોસાયટી, લીલાનગર, બાપુનગર) નામનો શખ્સ બહારથી જુગારીઓને બોલાવીને જુગાર રમી રહ્યો છે. જેમાં કમિશન લેવામાં આવે છે અને જરૂરી સુવિધાઓ પણ આપવામાં આવે છે. જેના આધારે પીએસઆઈ વી.આર.ચૌધરી અને સ્ટાફે દરોડો પાડ્યો હતો. દિલીપ સિદ્ઘાપુરા સહિત આઠ લોકોની ધરપકડ કરવામાં આવી હતી.
પોલીસે ધરપકડ કરેલા આરોપીઓના નામ નીચે મુજબ છે
1. દિપલ સિદ્ધપુરા (રહે મનહરનગર સોસાયટી, લીલાનગર, બાપુનગર)
2. ચેતન પટેલ (રહે. મંગલમ સોસાયટી, અર્બુદાનગર, ઓઢવ)
3. નીરવ પટેલ (રહે. એવન રેસીડેન્સી, વસ્ત્રાલ)
4. અશોક પટેલ (રહે. તાજ રેસીડેન્સી, ગંગોત્રી સર્કલ, નિકોલ)
5. વિજય પટેલ (રહે. સોમેશ્વર પાર્ક સોસાયટી, નવા નરોડા)
6. વિનોદ પટેલ (રહે. માતૃ શક્તિ સોસાયટી, ઈન્ડિયા કોલોની, બાપુનગર)
7. રાજેશ પટેલ (વિશ્રામ ઉત્સવ શહેર, મહાદેવનગર, વસ્ત્રાલ)
8. વિપુલ પટેલ (વિશ્રામ. રવિ દર્શન સોસાયટી, નિકોલ)