જામનગર કોર્પોરેશનની ચૂંટણી: જામનગર મહાનગરપાલિકાની ચૂંટણીને લઈને રાજકીય વાતાવરણ ગરમાયું છે અને પરિણામોને લઈને શહેરમાં વિવિધ ચર્ચાઓ ચાલી રહી છે. વર્તમાન માહોલમાં સત્તાના અંદાજ મુજબ ભારતીય જનતા પાર્ટી (ભાજપ) ફરી એકવાર સત્તાનું સુકાન સંભાળશે તેવા સંકેતો મળી રહ્યા છે.
બિનસત્તાવાર અંદાજ મુજબ ભાજપને 41થી 43 બેઠકો મળવાની શક્યતા છે. અને સોદા એકના સમ ભાવે થઈ રહ્યા છે જ્યારે 44 કે 45 બેઠકો માટે ડબલ ભાવની પણ ચર્ચા થઈ રહી છે. તેમજ વિવિધ પેનલોમાંથી 6 થી 7 જેટલી પેનલોને બહુમતી મળે તેવી શકયતાઓ અંગે પક્ષની અંદર ચર્ચા ચાલી રહી છે.
રાજકીય વર્તુળોમાં આવા અંદાજોમાં રસ વધી રહ્યો છે, જો કે આ બધી ચર્ચાઓ અનૌપચારિક અને અનુમાનિત હોવાનું માનવામાં આવે છે. સત્તાવાર પરિણામ જાહેર થયા બાદ જ સ્પષ્ટ ચિત્ર બહાર આવશે. પરિણામોને લઈને જામનગરના મતદારોમાં પણ ભારે ઉત્સુકતા જોવા મળી રહી છે અને શહેરમાં રાજકીય ગરમાવો તેજ બન્યો છે.