ચાંદીપુરા વાયરસ અપડેટ: રાજ્યમાં પ્રચલિત ચાંદીપુરાના કેસોના મુદ્દે આજે રાજ્ય સરકારના પ્રવક્તા અને રાજ્યના આરોગ્ય મંત્રી ઋષિકેશ પટેલે મીડિયાને માહિતી આપી હતી કે પૂણે મોકલવામાં આવેલા સાત નમૂનાઓમાંથી માત્ર એક નમૂનામાં ચાંદીપુરા વાયરસ હોવાનું જાણવા મળ્યું છે.
બીજી તરફ મુખ્યમંત્રી ભૂપેન્દ્ર પટેલે રાજ્યમાં ચાંદીપુરા રોગ અને હાલની રોગચાળાની સ્થિતિ અને વરસાદને ધ્યાનમાં રાખીને સમગ્ર રાજ્યના કલેક્ટર, જિલ્લા વિકાસ અધિકારીઓ અને જિલ્લા આરોગ્ય અધિકારીઓ સાથે બેઠક યોજી હતી. તાજેતરમાં, રાજ્યમાં ચાંદીપુરાના 29 જેટલા શંકાસ્પદ કેસ જોવા મળ્યા છે, જેમાંથી 15 બાળ-દર્દીઓ મૃત્યુ પામ્યા છે. પુણેની લેબોરેટરીએ માહિતી આપી છે કે સાતમાંથી માત્ર એક કેસ ચાંદીપુરાનો છે. જેથી હવે સમગ્ર રાજ્યના જિલ્લાઓમાં અધિકારીઓને જાણ કરીને કાચા મકાનોમાં દવાનો છંટકાવ કરવામાં આવી રહ્યો છે.
આ પરિસ્થિતિનો સામનો કરવા માટે ઋષિકેશ પટેલે જણાવ્યું હતું કે રાજ્યમાં આરોગ્ય વિભાગ દ્વારા સમગ્ર રાજ્યમાં તમામ તાલુકાઓ, આંગળવાડીઓ, શાળાઓ અને ઘરોમાં દવાનો છંટકાવ કરવામાં આવી રહ્યો છે. ચાંદીપુરાથી ડરવાની જરૂર નથી, જે સાત સેમ્પલ મોકલવામાં આવ્યા હતા તેમાંથી માત્ર ચાંદીપુરાનો એક કેસ બહાર આવ્યો છે. ચાંદીપુરા વાયરસ સામે સાવધાની રાખવી જોઈએ અને બાળકોને તાવ આવે ત્યારે સારવાર માટે મોટી હોસ્પિટલમાં જવું જોઈએ. 24 કલાકની અંદર હોસ્પિટલમાં જવું જરૂરી છે. આ રીતે આ વાયરસથી બચી શકાય છે.
