ગુજરાતની શાળાઓમાં ઉનાળુ વેકેશન: રાજ્યની તમામ પ્રાથમિક અને માધ્યમિક શાળાઓમાં વર્ષ 2026નું ઉનાળુ વેકેશન જાહેર કરવામાં આવ્યું છે. શિક્ષણ વિભાગના તાજેતરના પરિપત્ર મુજબ રાજ્યની તમામ સરકારી, ગ્રાન્ટેડ અને સ્વતંત્ર શાળાઓમાં એકસમાન તારીખે વેકેશનનો અમલ કરવાનો રહેશે.
કુલ 35 દિવસનું વેકેશન
વેકેશનનો પ્રારંભ ઉનાળુ વેકેશન 04/05/2026 થી શરૂ થશે અને વેકેશન 07/06/2026 સુધી ચાલુ રહેશે. જ્યારે શાળાઓ 08/06/2026 થી રાબેતા મુજબ ફરી શરૂ થશે. આ વર્ષે વિદ્યાર્થીઓને કુલ 35 દિવસનું વેકેશન મળશે.
આ પણ વાંચો: અમદાવાદઃ બિઝનેસમેનનો અશ્લીલ વીડિયો ડાઉનલોડ કરવા બદલ 8 લાખની ઉચાપત, નકલી પોલીસે કેસ ડિસમિસ કરવા 15 લાખની માંગણી કરી
પ્રાથમિક શિક્ષણ નિયામકની કચેરી દ્વારા તમામ જિલ્લા શિક્ષણ અધિકારીઓ (DEOs) અને જિલ્લા પ્રાથમિક શિક્ષણ અધિકારીઓ (DPEOs) ને આ તારીખો સંકલનથી જાહેર કરવા સૂચના આપવામાં આવી છે. આ આદેશ રાજ્યની તમામ સરકારી પ્રાથમિક શાળાઓ, ગ્રાન્ટેડ શાળાઓ તેમજ સ્વ-શાસિત શિક્ષણ મંદિરો અને બાળ શિક્ષણ મંદિરોએ અમલમાં મૂકવાનો રહેશે.