સુરત રેઈન અપડેટ્સ: રાજ્યમાં વરસાદી માહોલ જામ્યો છે. દક્ષિણ ગુજરાતના અનેક વિસ્તારોમાં ભારે વરસાદ થયો હતો. આજે (5 જુલાઇ) વહેલી સવારથી સુરત શહેરના અનેક વિસ્તારોમાં સારો વરસાદ થયો છે. શહેરના વરાછા, ચોકબજાર, સિંગણપોર, અઠવાગેટ વિસ્તારમાં વહેલી સવારથી કાળા વાદળો સાથે વરસાદ પડી રહ્યો છે. ભારે વરસાદના કારણે શહેરના અનેક વિસ્તારોમાં પાણી ભરાયા હતા. બીજી તરફ કામકાજ પર જતા લોકોને હાલાકીનો સામનો કરવો પડ્યો હતો.

હરિ દર્શન પાસે કમર-ઉંડા પાણી ભરાયા, તંત્રને અનેક રજુઆતો છતાં શાંત

See also

Gujarat

અમદાવાદ વિમાન દુર્ઘટનાના ત્રીજા દિવસે, 900 ફુટ નીચે એક વધુ વિમાન તૂટી પડ્યું હોત. એર ઇન્ડિયા દિલ્હી વિશે વિયેના ફ્લાઇટ વિશે આઘાતજનક ઘટસ્ફોટ 900 ફુટથી નીચે આવ્યો

શહેરના સિંગણપોર સહિત અનેક વિસ્તારોમાં પાણી ભરાયા હતા. તેમાં માત્ર એકથી દોઢ ઇંચ વરસાદ પડતાં હરી દર્શન ખાડા પાસે કમર ઉંડા પાણી ભરાઇ જતાં શાળાએ જતા બાળકો અને વાહન ચાલકો સહિત સ્થાનિક રહીશોને હાલાકીનો સામનો કરવો પડ્યો હતો. સ્થાનિકો દ્વારા ધારાસભ્ય, કોર્પોરેટર અને ઝોનલ ઓફિસરને વારંવાર રજૂઆત કરવા છતાં તંત્ર દ્વારા કોઈ કાર્યવાહી કરવામાં આવતી નથી. આજુબાજુમાં શાળાઓ અને ટ્યુશન ક્લાસીસ આવેલા છે ત્યારે તંત્રની ઉપેક્ષા છે. આ ઉપરાંત શાળાએ જતા બાળકો, કામે જતા લોકો અને રાહદારીઓ સહિત અનેક લોકોને મુશ્કેલીનો સામનો કરવો પડી રહ્યો છે.

સુરત કોઝવે ઓવરફ્લો, વાહનવ્યવહાર થંભી ગયો

બીજી તરફ સુરત કોઝવે ઓવરફ્લો થતાં વાહનોની અવરજવર બંધ થઈ ગઈ છે. આમ 12 કલાકમાં કોઝવે ભયજનક સપાટીથી 6.41 મીટરના સ્તર સાથે ઓવરફ્લો થયો હતો. આ પછી તંત્રએ વાહનવ્યવહાર માટે બંધ કરી દીધો હતો.